Con motivo da celebración das Festas do Carmen, o Concello de Baiona, en colaboración coa Deputación de Pontevedra, instalará un “Punto Violeta” como campaña para previr, sensibilizar, visibilizar e actuar contra as agresións sexuais, especialmente as categorizadas como violacións en cita e as agresións sexuais por submisión química. A campaña desenvolverase os días martes 16 e mércores 17 de xullo, coa distribución de materiais de concienciación e prevención.
A Concelleira de Igualdade, Sheila González Martíns, sinalou que esta campaña está dirixida principalmente á mocidade e ten como obxectivo sensibilizar, concienciar e informar sobre un tipo de violencia de xénero que a miúdo pasa desapercibido. “Queremos que a mocidade entenda a importancia do consentimento e o respecto, e que as agresións sexuais, baixo calquera forma, son inaceptables e deben ser denunciadas”, afirmou González Martíns.
Baixo os lemas “Compracer nunca. Con pracer sempre” e “Non a lees. Alíache!”, a campaña fai un chamado ao dereito das mulleres para decidir e á responsabilidade dos homes para respectar. Estas mensaxes buscan visibilizar formas de violencia que a miúdo son minimizadas ou normalizadas, como as violacións en cita e as agresións por submisión química, as cales dificultan o recoñecemento do delito e a súa posterior denuncia.
A carpa informativa de “Punto Violeta” estará situada na rúa Jesús Valverde, diante da Oficina de Turismo de Baiona durante as festividades, onde se distribuirán folletos, carteis e outros materiais informativos para educar e previr estes tipos de agresións. Ademais, haberá persoal capacitado para brindar información e apoio a quen o necesite.
O Concello de Baiona e a Deputación de Pontevedra convidan a toda a comunidade a participar e apoiar esta importante iniciativa. Xuntos, podemos
