• “Mellorar a competitividade do polígono de Barro, aumentar os desprazamentos entre a cidade do Lérez e O Salnés, reducir o tráfico pesado da PO-531 e facer menos necesaria a Variante de Alba” son os argumentos que sostén o dirixente popular
• O xefe da oposición convida aos dous partidos minoritarios a cambiar o seu voto e apoiar por unanimidade a súa proposta para conseguir a liberalización da AP-9, como sucedeu no tramo Vigo-Cangas e, máis recentemente, no de Vigo-Redondela
O presidente e portavoz municipal do Partido Popular de Pontevedra, Rafa Domínguez, aposta por crear unha fronte común para conseguir a gratuidade da peaxe da AP-9 entre a capital da provincia e Curro (Barro).
“Para romper muros e unir poboacións, convido aos outros dous partidos do Concello para lanzar unha mensaxe contundente no pleno ordinario de maio, aprobando por unanimidade a moción do PP, para presionar todos xuntos a favor da abolición do prezo da Autoestrada do Atlántico”, reivindicou.
O líder da oposición defendeu que a liberalización do tramo desta peaxe é “unha obsesión para o PP porque tería un impacto económico moi importante para estimular o fluxo de visitantes” da comarca do Salnés e liberar de tráfico a PO-531 e o tramo inicial da N-550. Algúns exemplos recentes da importancia de eliminar custos e “tender pontes” é a gratuidade do tramo Vigo-Cangas e, máis recentemente, Vigo- Redondela.
Domínguez resumiu en catro craves as vantaxes da súa proposta para eliminar o pago de peaxes no tramo de autoestrada Pontevedra-Curro, despois de que a cidade perdese influencia nas zonas de Lalín, A Estrada e Cangas:
- Eliminar a peaxe mellora, substancialmente, a competitividade do polígono industrial de Barro e supón un aforro económico importante para os seus traballadores.
- Mellora os fluxos de tráfico entre Pontevedra e os municipios da comarca do Salnés e a súa contorna. Os veciños da zona arousá desprazaríanse, con maior frecuencia, a Pontevedra para gozar da súa hostalería e as súas tendas.
- Redución significativa do número de vehículos, especialmente o tráfico pesado, que circula pola estrada de Vilagarcía, favorecendo aos veciños das parroquias de Campañó e Alba.
- A Variante de Alba, na que insiste o alcalde, sería menos necesaria.
Anteriormente, o dirixente do Partido Popular había presentado esta moción no Concello de Pontevedra e recibira o voto en contra do BNG e do PSOE. “Pero a nova repartición de concelleiros na corporación municipal, co PP como forza maioritaria do Concello, pode conducir a que o voto de ambos os sexa diferente, como sucedeu en numerosas ocasións durante o presente mandato”, manifestou.
Por todo iso, e “#ante un Goberno municipal que segue dando bandazos mentres sortea os efectos prexudiciais de gobernar en minoría, convídolles a pensar no beneficio mutuo para as áreas territoriais de Pontevedra e O Salnés. Pidamos a abolición do prezo da autoestrada entre a cidade e Barro para favorecer aos nosos veciños e incentivar o asentamento de empresas”, concluíu tras avanzar que, nos próximos días, reunirase coas asociacións empresariais da Boa Vila para referendar o seu respaldo á súa medida.
