• O líder da oposición reivindica a importancia das parroquias: “O Concello de Pontevedra debe sacar partido ao rural e aproveitar o tirón, que existe actualmente, para captar máis veciños e empresas”
• “O modelo urbano, do que tanto presume Lores, só obsérvase no centro, e está en evidente deterioración polos problemas de inseguridade cidadá”
O presidente e portavoz municipal do Partido Popular de Pontevedra, Rafa Domínguez, e o concelleiro popular do Rural, Martín Martínez, visitaron Verducido para esixir ao Goberno local unha solución aos problemas de “abandono” #ante a falta de mantemento e limpeza da parroquia.
“Os veciños reclaman, desde hai anos, un plan de conservación para mellorar o estado das estradas, as pistas polideportivas ou os contedores. As deficiencias son as mesmas de sempre e o custo económico da súa reparación non sería elevado. Por todo iso, reclamamos ao alcalde que visite Verducido e execute unhas obras necesarias para mellorar o aspecto da parroquia”, argumentou Domínguez.
O líder da oposición comprobou in situ “a necesidade de roza das vías municipais, a ausencia de sinalización renovada e a acumulación de auga de escorrentía nas estradas que poden causar resbalones aos peóns ou risco de accidente para os vehículos”.
Ademais de examinar o estado de conservación e mantemento das infraestruturas públicas de Verducido, onde destaca a falta de saneamento, o presidente do PP local ha incidido na importancia de “sacar partido ao rural” e “aproveitar o tirón” das parroquias pontevedresas para captar novos negocios e aumentar o número de veciños.
“O mundo rural está de moda. Un alcalde comprometido coa súa cidade debería anticiparse ás oportunidades que ofrecen as súas parroquias, para sacar o maior rédito posible a todos os seus núcleos de poboación. O modelo urbano, do que tanto presume o alcalde, só obsérvase no centro, e está en evidente deterioración polos problemas de inseguridade cidadá que nos fan ser noticia na crónica de sucesos de televisións a nivel nacional”, concluíu.
