Home O Morrazo Bueu Elena Estévez destaca o compromiso da Xunta con Bueu tras investir 18,1...

Elena Estévez destaca o compromiso da Xunta con Bueu tras investir 18,1 millóns na lexislatura e pola “forte aposta e defensa” do sector do mar no noso concello

- Anuncio -
  • A voceira municipal do PP solicitou o apoio da veciñanza a Alfonso Rueda nun percorrido pola vila co candidato Raúl Santamaría e outros membros do PP local “porque é a única garantía de estabilidade e cobertura ás necesidades de Bueu fronte as leas dun multipartito”
  • O concelleiro vilagarcían, número 7 da lista, puxo en valor as propostas do PP para a mocidade coas taxas universitarias de balde e o transporte gratuíto, do que xa se benefician 944 buenenses menores de 21 anos e as amplas axudas en materia de vivenda, emprego, deporte e lecer

A voceira municipal do PP de Bueu, Elena Estévez, destacou hoxe o compromiso do seu partido con Bueu para, a través da Xunta de Galicia, ter investido no concello morracense 18,1 millóns de euros na derradeira lexislatura e tamén puxo en valor a “forte aposta e defensa” dos populares para o sector do mar, “algo que é fundamental no noso municipio pola súa importancia económica e tamén identitaria.

Elena Estévez, que esta mañá participou nun paseo electoral pola vila acompañada polo candidato Raúl Santamaría e Dolores Hermelo, solicitou o apoio decidido da veciñanza a Alfonso Rueda nas eleccións do vindeiro domingo 18 de febreiro, “xa que o que é medible non é opinable e o compromiso do noso presidente con Bueu percíbese perfectamente neses 18 millóns de euros”. Por elo, avogou por que haxa un respaldo maioritario ao Partido Popular, “posto que somos a única garantía de estabilidade e de ter un Goberno galego que atenderá as necesidades de Bueu fronte ás previsibles leas dun multipartito, que estará ás súas leas entre eles pero, desde logo, non a atender aos buenenses”.

Estévez tamén fixo un aparte para falar do sector do mar, xa que revelou que a Xunta adicou máis de 1,4 millóns de euros á xente de Bueu que se adica a esta actividade, e contrapuxo a sensibilidade, implicación e canles de diálogo que sempre ten o PP con este ramo económico “fronte aos ataques, críticas e abandono de PSOE e BNG, que só se preocupan del cando salta algunha cuestión coa que poden sementar a polémica para tratar de rabuñar algún voto, pero, á hora da verdade, nunca respaldan as súas necesidades e sempre están contra os seus intereses, como se viu no arrastre, a mexilla ou o recente vertido dos pélets, un incidente co que non lle doeron prendas en emprender unha campaña de críticas e desprestixio dos nosos produtos do mar motivando unha caída das vendas que afectou moito a Bueu e outros concellos do Morrazo, pero eles só quería réditos electorais, non axudar á nosa xente do mar”.

Pola súa banda, o número 7 da lista do PP pola provincia de Pontevedra e concelleiro vilagarcían, que recibíu o agarimo da veciñanza de Bueu, centrouse en poñer en valor as moitas medidas para a mocidade impulsadas polos populares, como as taxas universitarias de balde a partires do vindeiro curso académico, a gratuidade do transporte público, da que se benefician 944 buenenses menores de 21 anos, ou as amplas axudas habilitadas en materia de vivienda, emprego, emprendemento, deporte ou lecer, entre outras.

Relacionadas

Luis López afirma que as axudas de ata 5.000 euros do programa +Xuventude serán...

0
O dirixente provincial coñeceu o proxecto Uvigo-SpaceLab, que impulsan estudantes da Escola de Enxeñería de Telecomunicacións e que conta co recoñecemento internacional O presidente da...

Covelo vístese de verde para visibilizar as enfermidades raras

0
Na noite do 28 para o 29 de febreiro a fachada do edificio do Concello iluminouse de verde para visibilizar este tipo de doenzas Con...

O obradoiro “Tecendo feminismo” abre este sábado a programación do 8M en Tui

0
Terá lugar este sábado a partir das 10.30 h na edificio da praza da Inmaculada Tui abre a programación conmemorativa do 8M, Día Internacional da...

Os colectivos redondeláns tecen redes pola igualdade

0
O Concello de Redondela conmemora o 8 de marzo, Día Internacional da Muller, cunha serie de actividades nas que se está a implicar toda...

Unha visita polos lugares da memoria de Rosendo Salvado pechan as xornadas con motivo...

0
Sairá mañá ás 17.30 h da praza de San Fernando para rematar ás 19 h na casa natal do bispo tudense Mañá venres, 1 de...

Abre o prazo de inscrición dos primeiros cursosdo Plan de Formación 2024 Concello de...

0
O Concello de Covelo da un paso máis na calidade dos contidos dos cursos e incluirá un módulo de igualdade en cada un deles A...

Publicacións Relacionadas