Home Baixo Miño A Guarda Eu Rural sortea cinco experiencias para vivir o Xeodestino Ría de Vigo...

Eu Rural sortea cinco experiencias para vivir o Xeodestino Ría de Vigo e Baixo Miño

- Anuncio -

Ao abeiro da campaña ‘Vivir experiencias, compartir territorio’

Os sorteos estanse a realizar durante o mes de febreiro nas redes sociais da asociación

Non hai mellor forma de coñecer o Xeodestino Ría de Vigo e Baixo Miño que mergullándose nel. Por este motivo, e ao abeiro da iniciativa ‘Vivir experiencias, compartir territorio’ a Asociación de Desenvolvemento Galicia Suroeste Eu Rural ten en marcha o sorteo de cinco experiencias para coñecer ás e aos protagonistas da nova campaña e os lugares nos que se rodou o vídeo promocional. Durante todo o mes de febreiro as redes sociais de Eu Rural lanzarán o sorteo destas experiencias, unha información que tamén está a difundir dende as redes do propio Xeodestino.

A campaña arrancaba co sorteo dunha experencia para coñecer Lagar de Cervera, o lugar de gravación do vídeo promocional. Unha experiencia na que a persoa gañadora poderá desfrutar cun grupo de amigos e amigas dunha visita guiada á bodega e destilería situada no Rosal, seguida dunha cata comentada dos viños que se elabora e dun almorzo para seis persoas no comedor privado da adega.

Da man de Alecrín Actividades y Aventura o gañador ou gañadora do sorteo poderá descubrir os segredos da enseada de San Simón da man de Ana Vázquez. Unha actividade na que achegarse á contorna navegando polas súas augas cunha iniciación en kaiak ata a illa de San Simón, observando as zonas de marisqueo, a praia de Cesantes, o illote Corveiro e o impresionante monumento do Capitán Nemo cos seus buzos. Unha xornada para desfrutar ata seis persoas que rematará cunha experiencia intermareal en Soutoxuste, onde coñecer as aves limícolas que habitan alí e toda a súa fauna.

Nestes intres está activo o sorteo dunha experiencia sensorial coa bodega Terras Gauda. Un percorrido que comezará visitando os viñedos de Goián, con regreso á adega para coñecer o proceso de elaboración dos viños brancos, unha degustación de Abadía de San Campio, Terras Gauda e La Mar acompañadas de empanada de produto galego e remate cun agasallo para cada unha das seis persoas participantes.

As persoas interesadas en participar en calquera dos sorteos deberán permanecer atentas ás redes sociais de Eu Rural e do Xeodestino Ría de Vigo e Baixo Miño ao longo de todo o mes de febreiro, no que tamén se galardoará cunha experiencia durmindo baixo ás estrelas da man de Berto Fernández e Guías Galaicos. Incluirá unha ruta de sendeirismo con pernocta para descubrir o contorna natural da zona, aprendendo a realizar un refuxo, observando a fauna entre o solpor e o amencer e observando o ceo nocturno.

Por outra banda, as persoas interesadas no eido mariño poderán participar no sorteo dunha experiencia mariñeira no porto da Guarda con Rubén Adrover e a Asociación Cultural de embarcacións tradicionais Piueiro. A actividade consistirá na saída de navegación nunha embarcación tradicional, coñecer o traballo esencial das redeiras e degustar a gastronomía local para que as e os participantes poidan descubrir cos propios protagonistas e profesionais a esencia mariñeira da vila durante unha tarde de verán.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas