Luis López remarca na sétima edición da Copa Mini BTT en Ribadumia que Pontevedra é a provincia do deporte

O presidente da Deputación de Pontevedra, Luis López vén de participar este domingo na sétima edición da Copa Mini BTT de Ribadumia. Unha competición que reuniu no concello do Salnés a preto de medio milleiro de rapaces e rapazas que desfrutaron dunha xornada deportiva ao aire libre. Un evento que demostra, segundo explicou o mandatario provincial, que a de Pontevedra é a provincia do deporte.