Home O Condado Mondariz Mondariz celebra o primeiro Serán das Letras cun roteiro literario e un...

Mondariz celebra o primeiro Serán das Letras cun roteiro literario e un recital poético

- Anuncio -

Render homenaxe ás letras, concretamente ás galegas, é o obxectivo do I Serán das Letras que o Concello de Mondariz organiza da man de creadoras e creadores mondaricenses. O vindeiro sábado 18 de maio o Concello de Mondariz propón vivir un encontro sensorial no que as letras, a música e a natureza se fusionarán nun roteiro literario.

O Serán das Letras é un evento literario que nace para destacar a presenza da poesía na cotiandade de Mondariz. “Os versos habítannos e así o queremos amosar. Neste 2024, en homenaxe a autora Luísa Villalta, queremos convidar a explorar a nosa vila de forma diferente dende a esencia literaria crear e compartir experiencias”, explican as e os creadores que están detrás desta proposta: Ana Fernández Melón, Fernando Juan Morado (Cone), Lorenzo Montes Bugarín, Sara Cruces López e Sonia Melón Parente.

O Serán das Letras propón dúas actividades gratuítas nas que poder participar. O roteiro literario Versando Pontes que comezará ás 11 horas no parque do Viveiro para seguir ata a ponte das Amolares, a ponte da Poeira, polo camiño de Merouces ata chegar á ponte de Cernadela.

Ás 20 horas na praza de Mondariz celebrarase o recital poético e sesión de micro aberto na que poderán participar todas as persoas que así o desexen. As e os poetas que participarán serán, as de Versos de Area e Chambo Libris Pilar Alonso Suárez e Hortensia Bautista; de Poesía Nova, Mar Míguez, Eve e Dani Costa e dos Nabos de Gracián, Sonia Melón, Eduardo Carreira, Xesús Bermúdez, Cone Juan Morado; tamén recitarán Samuel Merino, Antom Laia, Teresa Ramiro, Masha Álvarez, Fátima Domínguez, Fran Castro, Ana Fernández e Xandra Táboas.

Esta iniciativa acadou o apoio de Política Lingüística da Xunta de Galicia logo de que o alcalde, Calis Montes, e a concelleira de Cultura, Elena Naveira, lla presentaran nun encontro de traballo mantido en Santiago de Compostela.
A concelleira de Cultura convida a toda a cidadanía a gozar desta xornada de lecer na que achegarse ao mundo das letras, descubrir novos talentos locais e creadoras/es de toda a área metropolitana e percorrer espazos naturais con encanto.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas