Levará ao vindeiro pleno un rogo para que reclame á empresa as horas non pagadas ás traballadoras da limpeza.
O día 10 de xaneiro as traballadoras da limpeza secundan unha folga para acadar uns salarios dignos no seu convenio colectivo e melloras laborais. Esta folga, que implica un sacrificio para este colectivo, que xa de por si está precarizado, leva consigo a diminución do salario das traballadoras, mentres que a patronal, e tras numerosas negociacións entre ambas partes, non atende as súas reivindicacións.
Para o BNG, as Administracións, neste caso o Concello de Vilagarcía, como principais contratistas destes servizos, consideran que non só deberían apoiar as reivindicacións das traballadoras, senón que deberían contribuír para que estas empresas que acadan beneficios disparados a conta do labor das traballadoras, e con contratos que financiamos todas e todos, deberían estar controladas.
É por iso, que o BNG levará ao pleno de hoxe un ROGO ao grupo de Goberno para que non contribúa a que unha empresa saque beneficios a conta dunha folga, seguindo aboándolle as horas que xa lle foron descontadas ás traballadoras nos días de folga e que reclame a devolución das horas non pagadas ás traballadoras, ou se lle retire directamente do vindeiro pago, para que así a empresa aínda por riba non saque beneficio dobre da folga das traballadoras.
