O Concello de Baiona acaba de unirse ao Convenio entre a Xunta de Galicia e a FEGAMP para a coordinación de accións no desenvolvemento do Programa Galego de Vixilancia e Control contra a Avespa Asiática (Avespa velutina).
A Xunta de Galicia comezou a instalar as 86 trampas que se colocarán no municipio de Baiona. Trátase unha proba piloto posta en marcha este ano pola administración autonómica co fin de mellorar o trampeo xa que se trata dun trampeo xeolocalizado, cada trampa leva un código identificativo para o seu seguimento. Un trampeo baseado na localización das colonias do ano anterior, priorizando estes lugares e as zonas de colmenares.
O Ayuntemiento de Baiona, a través da Concellería de Medio Ambiente, solicitou adherirse por primeira vez ao Convenio entre a Xunta de Galicia e a FEGAMP para a coordinación de accións no desenvolvemento do Programa Galego de Vixilancia e Control contra a Avespa Asiática (Avespa velutina).
O Alcalde de Baiona, Jesús Vázquez Almuiña, destaca que “Mediante este acordo trataremos de poñer ao dispor dos veciños e a veciñas información, ademais de coordinar co goberno autonómico a retirada de colmeas”.
A Xunta conta desde 2020 cun plan centralizado de loita contra a avespa velutina, que avanza cada ano coa implantación das novas tecnoloxías para habilitar novas formas de contacto coa cidadanía, complementarias ás chamadas ao teléfono 012. Por exemplo, a aplicación Controlvelutina, que os efectivos de Seaga empregan para xestionar os avisos introducindo en tempo real os datos de xeolocalización e fotografías do niño, as observacións de cada caso e o resultado final.