• Á primeira reunión, que se celebrará este xoves 11 de abril, asistirán concelleiros e concelleiras do goberno, técnicos municipais e responsables da Enxeñería Lagares Oca
Félix Juncal, alcalde de Bueu, convoca unha mesa de traballo para iniciar o estudo do que debe ser o deseño do modelo do futuro servizo municipal de abastecemento e saneamento do Concello de Bueu. A xuntanza celebrarase este xoves, 11 de abril, ás 10 horas, na Sala de Xuntas da Casa Consistorial e a ela están convocados os concelleiros de facenda, contratación e subvencións, o de saneamento e abastecemento, a de seguridade cidadá, así como a tenente de alcaldesa. Así mesmo, asistirán técnicos municipais e responsables da empresa de enxeñaría Lagares Oca, que nos últimos anos prestaron diversos servizos para o Concello de Bueu en relación con este asunto.
Esta primeira reunión de traballo pretende ser o punto de inicio doutras que se manterán periodicamente e que teñen que ver con que no ano 2025 remata a actual concesión. Así, tal e como consta nos acordos dos dous grupos de conforman o goberno local (BNG e PSOE), estudaranse as posibilidades para recuperar a xestión directa do servizo a través de diversas fórmulas.