Home O Morrazo Bueu O concello de Bueu entregou os premios Johan Carballeira a Xosé Luís...

O concello de Bueu entregou os premios Johan Carballeira a Xosé Luís Mosquera e Lois Pérez Díaz

- Anuncio -
  • O acto, que se celebrou este sábado no Centro Social do Mar, contou coa presenza de ambos premiados
  • Félix Juncal, alcalde da vila, salientou que “os premiados son semente viva, dous exemplos do enorme potencial creativo que temos na Galiza e que debemos presentar

O Concello de Bueu celebrou este sábado, 25 de maio, o acto de entrega dos Premios Johan Carballeira de Poesía e Xornalismo, que tivo lugar pola ao mediodía no Centro Social do Mar, e á que asistiron os dous gañadores. Nela, Xosé Luís Mosquera, gañador na categoría de poesía, e Lois Pérez, na de xornalismo, recibiron unha cerámica de Carballeira deseñada para a ocasión pola artista Cavalinho do Demo, ademais dun diploma conmemorativo e un lote de libros.

Carmen García, concelleira de cultura, foi a encargada de guiar o acto, e destacou que “estes premios fomentan a creación en galego en ámbitos como a poesía e o xornalismo e tamén manteñen o legado de Johan Carballeira, posuidor dunha gran conciencia social, e pioneiro nos xéneros como a reportaxe e a entrevista”. Manuel A. Mosteiro, presidente da Asociación de Amigos de Johan Carballeira, reivindicou tamén a Carballeira na súa intervención e salientou que “estes premios xa están perfectamente consolidados e fan de Bueu todo un referente”

Xosé Luís Mosquera, que recibiu o premio de poesía polo poemario Trece maneiras de mirar un almanaque, agradeceu ao Concello de Bueu “por manter a ilusión e seguir convocando este premio”. O premiado confesou que “son consciente de que me presentaba a un premio de poesía cun nome detrás, o de José Gómez de la Cueva (Johan Carballeira) e sabía o que representaba”. Por iso “dedícolle o poemario a todos os Josés Gómez e a todas as vítimas das actuacións vándalas que a historia da humanidade non deixa de repetir”.

Lois Pérez, galardoado na categoría de xornalismo pola reportaxe “Eloxio do apenovismo”, publicada orixinalmente na revista Luzes, lembrou a todos os compañeiros e compañeiras e aos directores da revista, “pois grazas a eles escribín unha reportaxe sobre a AP-9”. Así mesmo, reivindicou “un xornalismo independente, que informe dos feitos para que a cidadanía se faga unha idea fiel do mundo e máis na actualidade”.

Félix Juncal, alcalde de Bueu, deulle as grazas aos premiados “pois eles demostran que o futuro da lingua galega pode ser esperanzador, e dignifican coas súas letras esa riqueza que temos como pobo, e tamén as loitas que podemos expresar”. E continuou aludindo a que “Xosé Luís e Lois son semente viva, dous exemplos do enorme potencial creativo que temos na Galiza e que debemos preservar”.

O acto pechouse co espectáculo “Indóciles”, no que Vero Rilo, Nuria Vil e Mónica De Nut sorprenderon con narración, poesía e música para expresar a forza da figura e obra de Luísa Villalta, homenaxeada das Letras Galegas deste ano.

Os premios, dotados con 1.500 euros en cada categoría, naceron coma unha homenaxe ao político, poeta e xornalista bueués, José Gómez de la Cueva, máis coñecido como Johan Carballeira, quen tamén fora alcalde da vila bueuesa ata o seu asasinato a mans dos franquistas.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas