A convocatoria inclúe como premios tres viaxes a Reino Unido e 14 lotes informáticos.
O Concello de Salvaterra de Miño ven de convovar ós XIX Premios de Educación 2023/2024 unha iniciativa pioneira xa que o concello foi dos primeiros en levala a cabo.
A iniciativa dos ‘Premios de Educación do Concello de Salvaterra de Miño’ naceu co ánimo de incentivar o estudo e reforzar actitudes e hábitos relacionados co traballo, esforzo, participación e convivencia entre os xóvenes, chegando este ano á súa decimonovena edición. Un proxecto máis froito da interacción e colaboración entre os Centros Educativos do Municipio e o Concello, na procura de incentivar, animar e premiar o esforzo dos estudantes, hábito que marcará o seu futuro e que os poñerá en valor como persoas e profesionais. Nese sentido é importante outorgarlles valores como os que este tipo de convocatorias pretenden incentivar tales como o esforzo, loita, ou superación; nun mundo de cada vez máis competitivo, difícil e incerto. Por todo iso consideramos necesario continuar mantendo este tipo de iniciativas.
Para esta convocatoria como en edición anteriores toman parte o alumnado do Instituto de Educación Secundaria e dos tres Centros de Educación Primaria de Salvaterra de Miño (CEIP Infante Felipe, CEIP de Leirado e CEP Carlos Casares), en todos os seus finais de etapa e establécense como premios:
– Catorce lotes informáticos compostos por unha Tablet con funda e memoria micro SD 64gb, para @s alumn@s do 2º Ciclo Formativo de Grao Medio de Caldeirería e Soldadura, FP básica, 4º da ESO do IES Salvaterra así como para @s alumn@s de 6ª de Primaria de cada un dos tres centros educativos de Primaria do Concello.
– Para o alumnado de 2º de Bacharelato concederanse tres bolsas de estudos que consistirán nunha viaxe de tres semanas a Reino Unido durante o verán, na localidade de Worthing (costa sur do país) ao obxecto entre outros de perfeccionar a lingua inglesa así como a inmersión na cultura e que inclúe: viaxe de ida e volta en vós directos dende Galicia, aloxamento en familia, curso de inglés Xeral de 3 semanas, material escolar, certificado de asistencia, actividades, tarxeta de transporte e seguros…
Praza da Constitución, nº1. Salvaterra de Miño. 36450 PONTEVEDRA Tlfs: 986 65 81 26 – 986 65 80 82 comunicacion@concellodesalvaterra.org A entrega dos mencionados premios terá lugar tras a finalización de todos os cursos e etapas, en datas que serán anunciadas no seu momento e levarase a cabo no Salón de Plenos do Concello de Salvaterra de Miño.
