Os entornos das Capelas de San Roque en Leirado e Cabreira ademais da Fortaleza serán os tres ámbitos de actuación.
O Concello de Salvaterra de Miño destina 44.975,70 € a través da subvención da Rede Ágora da Deputación de Pontevedra para a redacción de tres proxectos que buscan a recuperación do espazo público de tres enclaves prioritarios no municipio.
A primeira actuación ten como ámbito de actuación a contorna da Capela de San Roque en Leirado, cunha humanización da praza ordenando a zona de aparcamento e delimitando a zona peonil cun cambio de pavimento e xardineiras.
A segunda actuación pretende levar a cabo un estudo do espazo para o entorno da Fortaleza dando continuidade as accións acometidas en toda a contorna.
O último proxecto ten como ámbito de actuación o entorno da Capela de San Roque en Cabreira, coa execución dun novo firme transformando a totalidade da rúa.