Serán dúas xornadas con actividades físicas ó aire libre dirixido a mulleres.
O Concello de Salvaterra de Miño que ven de organizar o curso de defensa personal para mulleres durante o mes de abril e un obradoiro de Mindfulness durante o mes de maio continúa coa programación de actividades para mulleres dentro das accións planificadas pola Concellería de Igualdade e enmarcadas na subvención do Pacto de Estado contra a violencia de Xénero do Ministerio de Igualdade.
Nesta ocasión lanza Muller Activa, un programa de actividades ó aire libre no Espazo Termal de Teáns Oleiros dirixido a mulleres o cal se levará a cabo en dúas xornadas. A primeira o 8 de xuño será de ioga e hipopresivos e a segunda o 15 de xuño un entrenamento de forza e zumba.
Nas dúas xornadas haberá tres grupos que desenvolverán a actividade nas seguintes horas: 10:00, 11:10 e 12:20 horas da mañá.
