test
Home Pontevedra Baixo Miño O “Día da Xuventude” chega este mércores a Oia coas súas propostas...

O “Día da Xuventude” chega este mércores a Oia coas súas propostas de ocio saudable

- Anuncio -

Oia acollerá este mércores 1 de maio a programación das actividades formativas e de ocio saudable do “Día da Xuventude” que vén de poñer en marcha a Consellería de Cultura, Lingua e Xuventude da Xunta. A cita será en horario de tarde, de 16.00 a 21.00 horas, no patio exterior do CEIP Manuel Mestre García.

Este programa, que desenvolve neste ano a súa segunda edición, busca a participación activa da mocidade de cada concello a través dunha ampla variedade de actividades, tales como obradoiros de gastronomía saudable, formación sobre habilidades para a empregabilidade, sensibilización medioambiental, igualdade de xénero e arte urbana. Tamén inclúe propostas de lecer educativo como fútbol burbulla, futbolín humano, tiro con arco, lego e escape box. Para finalizar a xornada, ofrece unha actuación musical de artistas locais.

O ‘Día da Xuventude’ ponse en marcha este ano nunha trintena de concellos galegos, entre os cales se atopa Oia. Este programa persegue diversos obxectivos, como facilitar á mocidade a posibilidade de participar nun programa de actividades lúdico-formativas que contribúa ao seu enriquecemento persoal mediante aprendizaxes non formais. Tamén quere fomentar a participación, o ocio e o lecer saudable, a transmisión de valores a través de actividades que requiran do traballo en equipo, colaboración mutua e que fomenten o respecto, a igualdade, a inclusión e o espírito deportivo. Así mesmo, achega información dos programas que desenvolve a Xunta de Galicia destinados á mocidade e amplía as ferramentas de conciliación e espazos de coidado a disposición das familias galegas.

A iniciativa “Día da Xuventude”, que conta co financiamento do Ministerio de Igualdade en desenvolvemento do Plan Corresponsables, está destinada tanto á mocidade galega como ás propias familias, dado que tamén favorece a conciliación da vida familiar e laboral.

Relacionadas

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Historias sen fin co andel dos libros libres do Rosal

0
O Concello pon en marcha unha iniciativa que busca promover a lectura poñendo a disposición da veciñanza libros de todo tipo de balde Un estante...

O que queren para outras vilas, non o queren para Marín

0
Sobre o estacionamento e a mobilidade urbana  Últimamente, non saímos do noso asombro. Como Goberno local, consideramos que hai que traballar para que unha vila...

O BNG denuncia o “colapso” no hospital de día de oncoloxía do Álvaro Cunqueiro...

0
A fronte nacionalista reclama á Xunta que reforce o servizo para poñer fin ás demoras na atención e para evitar que as persoas doentes...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

Publicacións Relacionadas