test
Home A Paradanta A Cañiza O GDR Terra e Auga celebra a IV Gala de Calidade Turística...

O GDR Terra e Auga celebra a IV Gala de Calidade Turística do Xeodestino Condado Paradanta

- Anuncio -

O GDR Terra e Auga celebra a IV Gala de Calidade Turística do Xeodestino Condado Paradanta na que entregará os distintivos SICTED de Compromiso de Calidade Turística  e ratifica o seu apoio aos proxectos e prácticas que apostan pola calidade e a innovación. Será en Salvaterra de Miño o vindeiro luns día 13 de maio ás 19 horas.

Alcaldías do sur da provincia, AGADER, Turismo de Galicia, Deputación de Pontevedra, o Clúster do Turismo; a Federación Provincial de Turismo e Hostalería FEPROTUR, e a nova asociación de Empresas do Turismo no xeodestino Condado Paradanta, ASECOTUR, entre outras entidades públicas e privadas, están convidadas a este evento que recoñece o esforzo e a seriedade no traballo tanto das novas empresas como das que renovan o certificado de calidade.

Dende hai catro anos o GDR promove entre as empresas dos dez concellos, A Cañiza, As Neves, Arbo, Covelo, Crecente, Mondariz, Mondariz Balneario, Ponteareas, Salceda de Caselas e Salvaterra de Miño, a formación e a mellora continua para ofrecer as persoas as últimas comodidades, servizos e produtos co obxectivo de acadar experiencias únicas.

Nesta edición entregarán catro novos selos de calidade turística e renovarán 19 máis que xa viñan implementando o sistema de mellora continua nos seus negocios. A taberna A Baiuca de Mondariz, a gandaría Sesteiro de Covelo, a praia fluvial de Maceira en Covelo e La Ojiva Espazo Gastronómico en Salvaterra de Miño súmanse aos negocios que apostan por premiar á clientela co mellor servizo, trato, instalacións e produtos.

O SICTED é un proxecto de mellora da calidade dos destinos turísticos promovido pola secretaría de estado de Turismo (SETUR) co apoio da Federación Española de Municipios e Provincias (FEMP) que traballa con servizos turísticos de ata 37 oficios diferentes co obxectivo de mellorar a experiencia e a satisfacción do turista.

Co apoio do GDR Terra e Auga e a Axencia Turismo de Galicia xa son 53 empresas as adheridas no territorio do Condado, Paradanta e Salceda de Caselas. “Empresas que se esforzan a diario para que as e os seus clientes teñan o mellor multiplicando as posibilidades de repetición e de emitir referencias positivas do noso territorio”, explica Pablo Castillo, presidente do GDR Terra e Auga.

En liña coa súa estratexia de desenvolvemento o GDR Terra e Auga engalanará a entrega de premios cun dos seus piares fundamentais, a arte, expresada a través dunha actuación musical, da poesía, da danza e dunha montaxe audiovisual.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas