Home Pontevedra O PP destaca a necesidade de que para poder dar solución a...

O PP destaca a necesidade de que para poder dar solución a Galicia ante os cambios na PAC, na política pesqueira e na axenda urbana e rural é necesario contar coa presenza do maior número de eurodeputados populares en Bruxelas

- Anuncio -
  • O presidente provincial, Luis López fixo especial fincapé en que a defensa das nosas rías, do noso rural e do reparto dos fondos europeos, serán unha das súas grandes prioridades.
  • López indicou tamén a importancia que ten para a provincia a posta en marcha da Alta Velocidade entre Oporto e Vigo e o Corredor Atlántico, fundamentais para a nosa industria e a nosa economía.

O presidente provincial do PP de Pontevedra, Luís López, destacou a necesidade de que para poder dar solución a Galicia ante os cambios na PAC, do futuro da política pesqueira e do deseño da axenda urbana e rural  é necesario contar co maior número de eurodeputados populares en Bruxelas

Luis López participou esta tarde nun mitin nos xardíns da Ravella, en Vilagarcía de Arousa, xunto á titular de Economía e Industria do Goberno galego, Chus Lorenzana, a secretaria xeral do partido na provincia, Luisa Piñeiro, e a voceira do PP de Vilagarcía, Ana Granja, onde arrouparon ao candidato do PP ás eleccións europeas, Adrián Vázquez.

“Pido que ante un Goberno perezoso para avanzar no Corredor Atlántico, para xestionar os fondos europeos para a nosa industria e para acelerar a Alta Velocidade Vigo-Oporto, a nosa resposta sexa de esixencia. E que ante un PSOE que quere empregar Bruxelas como trincheira para a súa desigualdade, dos seus muros e das súas tomaduras de pelo, a nosa resposta sexa en forma de “basta xa”. Que ante un Bloque que se presenta a estas eleccións co separatismo catalán e cos herdeiros políticos de ETA, a nosa resposta sexa o sentidiño de Galicia”, reclamou Luís López.

O dirixente popular animou a votar ao Partido Popular nunhas eleccións nas que Galicia xógase moito. “Temos a sorte de que os pontevedreses e galegos están moi ben representados co candidato da cidade, Francisco Millán Mon, e con Adrián Vázquez Lázara”, destacou o dirixente provincial.

O candidato popular, Adrián Vázquez indicou que Galicia se xoga moito nestas eleccións. “Vivimos un momento crítico para a historia de Europa e para a política na Unión Europea, que foi o proxecto político que máis empuxou  a Galicia e a toda España a transformarnos como país, ata converternos na súa cuarta economía. Isto sabémolo ben os galegos, que nos beneficiamos dunha Europa sen fronteiras que nos permite relacionarnos social e economicamente cos nosos veciños portugueses ou que nos permitiu acceder a fondos de cohesión que impulsaron a nosa terra, o noso campo e a nosa industria”, indicou Vázquez.

 “Unha España forte fai unha Europa mellor. E aquí os galegos temos moito que dicir. Galicia ten un talante propio á hora de facer política e á hora de gobernar. En Galicia hai un goberno e un presidente serios. Que fan política para adultos. En positivo. Coas mans no timón. Todo o contrario que o que agora mesmo pasa en Moncloa”, rematou o candidato popular.

Pola súa banda, a conselleira de Economía e Industria, María Jesús Lorenzana Somoza, asegurou que as eleccións europeas son unha “oportunidade única” para determinar o rumbo e o futuro de Galicia, de España e de Europa e por iso insistiu na necesidade de deixar a un lado “o caos e NON POLO NON”.

Neste sentido, incidiu en que o Partido Popular é a “única opción posible” para defender os intereses de Galicia en Europa: maiores recursos, mellor xestión e axilidade nos fondos europeos, normativas para sectores estratéxicos que garantan transicións graduais.

“Queremos unha Galicia aberta a España, a Europa e ao mundo, non unha Galicia pechada en si mesma, illada e separada dos demais”, concluíu.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas