test
Home Pontevedra O PP destapa a “gran estafa” do PSOE co Pontevedra Flúe

O PP destapa a “gran estafa” do PSOE co Pontevedra Flúe

- Anuncio -

• Pardo recibe unha resposta do Goberno de España que pon de manifesto que en Madrid non saben nin cales son os proxectos prometidos en campaña electoral

• O PP solicita ao líder dos socialistas unha explicación para aclarar aos pontevedreses “que sucedeu coa choiva de 25 millóns de euros que o Ministerio para a Transición Ecolóxica ía investir na cidade”

Os concelleiros do Partido Popular de Pontevedra, Rafa Domínguez e Pepa Pardo, destaparon a “gran estafa” do PSOE local ao verificar, nunha resposta do Goberno de España, que os proxectos da estratexia Pontevedra Flúe nin existen nin existiron nunca.

O portavoz municipal do PP criticou a “falta de ética” dos socialistas, cada vez que se aproxima un período electoral. Domínguez puxo de exemplo que o candidato do PSdeG, José Ramón Gómez Besteiro, haxa reculado despois de anunciar en campaña das autonómicas que a AP-9 sería gratuíta e fixo o propio co PSOE local despois de “comprometer 25 millóns de euros do Goberno de España para todos os pontevedreses, independentemente do resultado das municipais, dos que non hai nin rastro”.

O gañador das eleccións compareceu co seu número dous na cidade que, na súa faceta como senadora, preguntou por escrito ao Ministerio para a Transición Ecolóxica e Reto Demográfico se hai reservada unha partida orzamentaria, a cargo dos fondos europeos Next Generation, para financiar os proxectos de recuperación ambiental que o PSOE recolle na súa estratexia Pontevedra Flúe.

Pardo quixo revelar “a gran mentira do PSOE de Pontevedra” e que conste por escrito a resposta oficial do Ministerio responsable de executar unhas obras que o alcalde nacionalista, #Miguel Anxo Fernández Lores, xa apuntou, hai uns meses, que non estaban comprometidas tras reunirse coa ministra Teresa Ribeira.

“O Pontevedra Flúe foi un bulo máis dos socialistas da cidade, que repiten cada vez que hai eleccións. Desde finais de 2022, realizaron múltiples anuncios, chegando a facer unha exposición itinerante que a saber o que nos custou aos pontevedreses, pero a triste realidade é que non existe, oficialmente, ningún convenio, acordo marco ou partida orzamentaria reservada para estes proxectos”, lamentou a concelleira antes de compartir cos xornalistas a súa información.

A resposta do Goberno ao escrito de Pardo pon de manifesto que non saben nin cales son eses proxectos: “O Ministerio para a Transición Ecolóxica e o Reto Demográfico asumo con cargo ao seu orzamento de gastos aqueles proxectos que, en materia de costas, contribúan a garantir a integridade física do dominio público marítimo-terrestre, así como o seu libre uso público compatible coa natureza. Respecto a os proxectos de Costas a executar en Pontevedra, incluídos os que poidan estar recolleitos na citada Estratexia Pontevedra Flúe, que cumpran eses requisitos e persigan eses obxectivos, estes poden ter encaixe no orzamento de gastos deste Ministerio, tal e como se trasladou ao alcalde e concelleiros da corporación municipal”.

En rolda de prensa, a edil popular ha solicitado que o portavoz municipal do PSOE, Iván Puentes, explique aos cidadáns “onde está esa choiva de millóns de 25 millóns de euros que anunciou que se destinarían a proxectos, licitados, contratados e executados polo Goberno de España, en Pontevedra, antes de 2025”.

“O PSOE de Pontevedra non ten credibilidade. A súa estratexia electoral baséase en lanzar fume mentres os cidadáns son conscientes de que veñen de gobernar catro anos, dicindo que as áreas de Servizos Sociais, Parques e Xardíns ou Medio Ambiente ían de marabilla, porque eran competencia socialista, e agora, a escasos meses de ser rexeitados do goberno municipal, cambian de opinión por estar na oposición”, concluíu.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas