• Pepa Pardo critica a falta de mantemento e servizos básicos na zona: “Os veciños da Seca pagan os mesmos impostos e teñen que ter os mesmos dereitos”
• Os populares denuncian o estado das beirarrúas, a ausencia de papeleiras e zonas de xogo e a deterioración do mobiliario urbano
O Partido Popular de Pontevedra volveu a visitar o barrio da Seca para comprobar a súa situación e denunciar que, a pesar de as reiteradas demandas dos seus veciños, todo segue exactamente igual.
A secretaria xeral do PP de Pontevedra, Pepa Pardo, lamentou o estado no que se atopa este barrio, situado a menos de cinco minutos do centro da cidade, e acusou ao goberno do BNG de mantelo abandonado durante anos.
Pardo advertiu de que esta situación prolóngase desde hai case 30 anos, practicamente desde o século pasado, sen que o barrio recibise os investimentos necesarios para dar resposta ás necesidades dos seus veciños.
“Volvemos ao barrio da Seca e todo segue exactamente igual. É un barrio abandonado polo BNG de Lores”, denunciou Pardo, que considera que a falta de actuacións nesta zona evidencia as diferenzas existentes entre os distintos barrios de Pontevedra.
Neste sentido, a secretaria xeral dos populares defendeu que vivir fóra do centro non pode traducirse en dispoñer de peores servizos públicos. “Os veciños da Seca pagan exactamente os mesmos impostos que os veciños do centro e, por tanto, teñen que ter os mesmos dereitos. Non pode haber cidadáns de primeira e de segunda en Pontevedra”, sinalou.
Durante a visita, os populares comprobaron o estado de diferentes espazos do barrio e denunciaron a falta de mantemento das beirarrúas e a vexetación, a ausencia de papeleiras e zonas adecuadas para o descanso, así como a deterioración do escaso mobiliario urbano existente.
Pardo incidiu especialmente na falta de espazos de lecer e convivencia veciñal. “Nin os máis pequenos teñen espazos adecuados nos que xogar nin as persoas maiores contan con zonas habilitadas para atoparse e facer vida de barrio”, lamentou.
Neste sentido, o PP lembra que reclamou en multitude de ocasións o acondicionamento das cubertas de ADIF para poñer este espazo ao servizo dos veciños e dotar ao barrio dunha zona de lecer e convivencia. Unha actuación que, a pesar de os compromisos anunciados, continúa sen materializarse. “Prometérono e seguimos esperando”, reprochou Pardo.
Os populares lembran, ademais, que estas reivindicacións non son novas. En febreiro de 2024, o Pleno municipal aprobou por unanimidade unha moción presentada polo Partido Popular para poñer en marcha un Plan de Revitalización e Dinamización dos barrios de Pontevedra.
Apenas catro meses despois, en xuño dese mesmo ano, o Pleno volveu apoiar por unanimidade outra iniciativa do PP que reclamaba especificamente a humanización do barrio da Seca. O acordo alcanzado a proposta de Rafa Domínguez contemplaba actuacións como a creación dun aparcamento público, o arranxo das baldosas rotas, a roza da maleza, un plan de desratización, a reposición do mobiliario urbano e a mellora da pasarela do tren.
Máis de dous anos despois daqueles acordos plenarios, o PP lamenta que boa parte desas actuacións continúen pendentes e reprocha ao goberno municipal que os compromisos aprobados por toda a Corporación non se traducisen en melloras visibles para os veciños da Seca.
Para o PP, a situación da Seca reflicte unha falta de atención continuada por parte do goberno municipal cara aos barrios. Os populares reclaman que as promesas se traduzan en actuacións concretas e que se atendan necesidades básicas de mantemento, accesibilidade, mobiliario urbano e espazos públicos.
“Prometen, prometen e prometen, pero fan cero. A Seca segue esperando”, concluíu Pardo, quen esixiu ao goberno de Lores que deixe de aprazar as actuacións pendentes e dea unha resposta ás demandas dos veciños.
