Home Deputacións Deputación Pontevedra O PSdeG-PSOE traslada á Deputación o malestar de colectivos de Meis, das...

O PSdeG-PSOE traslada á Deputación o malestar de colectivos de Meis, das monxas de Armenteira e do propio Concello e esixe a Luís López que explique dunha vez o futuro da Oficina de Turismo do Mosteiro

- Anuncio -

Ana Laura Iglesias cualifica “dunha broma de pésimo gusto os peregrinos argumentos do goberno e pide unha resposta seria. O presidente ten que falar disto e deixar de esconderse”

“Senón fora porque falamos dun tema tan grave, as inexistentes explicacións da Deputación ou os hilarantes argumentos de fontes próximas ao goberno sobre o peche a escondidas da Oficina de Turismo do Mosteiro de Armenteira serían para rir ou chorar porque é inconcibible que pensen que a xente é parva”. Así se manifestou a portavoz do Grupo Provincial do PSDG-PSOE, Ana Laura Iglesias, que insistiu hoxe en que o presidente Luís López ten que saír a explicar “como foi posible que un goberno faga o que fixo, e como o fixo, non dando resposta ao escrito das monxas coa súa vontade de renovar o convenio, decidindo un peche unilateral da oficina, levándose os mobles a escondidas e sen informar a ninguén”.
Despois da denuncia do Grupo do PSdeG-PSOE, a deputada confirmou o malestar e a preocupación de colectivos e asociacións de Meis ante o sucedido, das propias relixiosas do Mosteiro, que ven incomprensible a actuación da Deputación, e do Concello de Meis que non pode entender como, “en aras alo menos da mínima lealdade institucional, tampouco foi informado deixando ao turismo orfo de información da comarca e do Mosteiro, así como polo dano que se fai á propia oferta de Rías Baixas cando se enchen a boca con todo o contrario”.
Ana Laura Iglesias ironizou sobre “o peregrino argumento de que pechan a Oficina porque a Igrexa está pechada cando, por un lado, o turismo pode visitar igualmente o Claustro e toda a oferta de Meis e o Salnés coa información desta Oficina e, por outro, non se poñen colorados falando do peche da Igrexa cando non moveron un dedo levando case un ano no goberno, nin tampouco o fixo a Xunta de Galicia, para apoiar ao Concello de Meis que leva meses loitando en solitario para que o Arcebispado reabra o templo”.
Por elo, Ana Laura Iglesias foi tallante afirmando “que levaremos este tema onde faga falta ata que o goberno ofreza unha explicación seria e diga sen rodeos cal vai ser o futuro da instalación e se van a deixar abandonada á xente de Armenteira. O presidente ten que saír a explicar que está pasando e deixarse de escusas de mal pagador”. Do mesmo xeito, tamén preguntou que vai pasar con toda a tecnoloxía da que foi dotada a Oficina para dixitalizala co programa “Tourist Inside”, ademais “da penosa imaxe que lanzan desde a Deputación pechando unha instalación de máxima excelencia como o certifican as sucesivas Q de Calidade que ostenta”.
Nese sentido, a deputada lamentou “o incrible discurso do presidente na Gala do Turismo desta semana, falando de dixitalización, excelencia e sustentabilidade cando os feitos coa Oficina de Turismo de Armenteira deixan moi claro onde se sitúa a actual Deputación”.

Relacionadas

Os Concellos de Mondariz Balneario, Mondariz e Pazos de Borbén reciben unha subvención para...

0
O Concellos de Mondariz Balneario, Mondariz e Pazos de Borbén obtiveron de una subvención de 7.630,00 € destinada a redacción de proxectos de planificación...

A Xunta convoca oito cursos de formación especializada que se celebrarán no Corazón da...

0
A Fundación Artesanía de Galicia organiza cursos centrados na cestería, na olería tradicional de Buño, na tapicería, no bordado ou no debuxo e mais...

Xosé Ramón Iglesias Veiga, I Premio Antonio Placios de Honor

0
O Porriño recoñece así a traxectoria do escritor, historiador e mestre que deixou unha enorme pegada no Porriño O Concello do Porriño destacará con estes...

O concello de Nigrán e o Centro de Saúde Val Miñor ofrecen o xoves...

0
O Concello de Nigrán, a través do Centro de Saúde Val Miñor, ofrece este xoves 13 de xuño ás 17:00 horas no Auditorio Municipal...

A Xunta participa na simulación dun incencio Nivel 2 en varios concellos das provincias...

0
O director xeral de Emerxencias e Interior e o director xeral de Defensa do Monte participaron xunto cos delegados territoriais da Xunta na Coruña...

Comezan os traballos de roza nos camiños municipais de Cesantes e Chapela

0
- A empresa adxudicataria do contrato, Naturgalia, comezou a pasada semana os traballos de roza e limpeza en Cesantes. Mañá martes comezarán a limpeza...

Publicacións Relacionadas