test
Home Pontevedra Baixo Miño O Rosal busca nenos, nenas e adolescentes implicados para crear o primeiro...

O Rosal busca nenos, nenas e adolescentes implicados para crear o primeiro grupo de participación infantil e xuvenil do Concello

- Anuncio -

As persoas interesadas en participar poden xa inscribirse a través de diferentes vías

O Rosal busca nenos, nenas e adolescentes comprometidos e implicados para crear o primeiro grupo de participación infantil e xuvenil do Concello. En colaboración co CPI Manuel Suárez Marquier, o Concello puxo en marcha xa esta semana diferentes sesións informativas dirixidas a alumnado de 9 a 17 anos para informalo sobre a creación deste grupo que busca darlle voz á rapazada rosaleira.
A posta en marcha deste grupo de participación é un dos pasos adiante que está a dar O Rosal para conseguir de aquí a 2026 o selo de Cidade Amiga da Infancia concedido por Unicef, que recoñece o labor dos municipios a prol de mellorar as condicións de vida dos nenos, nenas e adolescentes, a súa participación activa na vida municipal e a promoción e implantación de políticas locais que garantan o seu desenvolvemento integral.
“Isto supón un fito importante no noso compromiso en dar voz á rapazada, porque queremos que se sintan escoitados e valorados nas decisións municipais que lles afectan de xeito directo. Cremos firmemente na importancia de involucrar á nosa infancia e mocidade para construír un futuro mellor para todas e todos”, salientou a alcaldesa, Ánxela Fernández Callís.
O obxectivo deste grupo de participación é ser altofalante para que infancia e mocidade poidan facer chegar ao Goberno local as súas ideas, debatendo, analizando e buscando propostas de mellora sobre todas aquelas cuestións que lles afectan para trasladalas e conseguir así un Rosal máis amigable e que se adapte ás verdadeiras necesidades da infancia e da adolescencia. Dáse así un paso máis para garantir o seu dereito a ser escoitados e tidos en conta.
A campaña comezou en 4º de educación primaria e nas vindeiras semanas seguirá achegando ao alumnado do resto de cursos a información necesaria sobre o funcionamento deste grupo, os seus obxectivos e todo o necesario para entrar a formar parte del.
As persoas interesadas en participar poden inscribirse xa a través do enderezo electrónico participacion@ateliersocial.org, do número de teléfono 604 086 970 ou dun formulario que se habilitará na web municipal proximamente.
A rexedora anima a todos os nenos, nenas e adolescentes a unirse a este importante proxecto “e ser parte do cambio que queremos no noso concello. As vosas voces son fundamentais para ter un futuro máis xusto e equitativo para todas e todos”.

Relacionadas

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Historias sen fin co andel dos libros libres do Rosal

0
O Concello pon en marcha unha iniciativa que busca promover a lectura poñendo a disposición da veciñanza libros de todo tipo de balde Un estante...

O que queren para outras vilas, non o queren para Marín

0
Sobre o estacionamento e a mobilidade urbana  Últimamente, non saímos do noso asombro. Como Goberno local, consideramos que hai que traballar para que unha vila...

O BNG denuncia o “colapso” no hospital de día de oncoloxía do Álvaro Cunqueiro...

0
A fronte nacionalista reclama á Xunta que reforce o servizo para poñer fin ás demoras na atención e para evitar que as persoas doentes...

Diego Calvo, visitou esta mañá en Ribadumia os participantes no IV Torneo Intercontinantal de...

0
O conselleiro de Presidencia, Xustiza e Deportes, Diego Calvo, visitou esta mañá en Ribadumia os participantes no IV Torneo Intercontinantal de fútbol sub-14, máis...

Publicacións Relacionadas