Evento: Obradoiro de percusión africana
Lugar: Escola de Música Municipal de Nigrán
Data: 28 de decembro
Horario: de 11:00 a 14:00h
Organiza: Latexo Percusión
Colabora: EMMN e Concello de Nigrán
Prezo:20€ (15€ alumnado da escola)
O vindeiro 28 de decembro realizarase en Nigrán un obradoiro de percusión africana impartido por Andrés Rivero e organizado pola Escola de Música Municipal, en colaboración co Concello. Trátase da terceira edición deste curso, tras o éxito das edicións anteriores, nas que cubriu todas as prazas ofertadas.
O curso, de tres horas de duración, será unha introdución á técnica, linguaxe e ritmos do djembé, instrumento de percusión da costa oeste africana. A organización facilitará os materiais necesarios para a realización do curso, polo que non é preciso ter instrumentos nin experiencia para desfrutar do mesmo.
O obradoiro terá lugar na Escola de Música Municipal de Nigrán, situada na antiga biblioteca municipal do Ceán, en horario de 11:00 a 14:00h. Ten un custe de 20€, con desconto para o alumnado da Escola e é preciso realizar inscrición previa para reservar a praza no 615 914 161 ou no correo latexopercusion@gmail.com.
