test
Home Pontevedra Baixo Miño Obradoiros, teatro e música para fomentar o uso da lingua en Tomiño...

Obradoiros, teatro e música para fomentar o uso da lingua en Tomiño no Día das Letras Galegas

- Anuncio -

 Este 17 de maio o Concello organiza unha morea de actividades de 10 a 14 horas nos soportais da Praza do Seixo

A programación completarase co contacontos ‘Tinta do mar’ o domingo 19 ás 12.00 horas no Mercado de Tomiño

Tomiño conmemora o Día das Letras Galegas cunha morea de actividades o propio 17 de maio coas que poñer en valor o galego e fomentar o seu uso, especialmente entre a infancia e a mocidade. Por este motivo, este venres o Concello prepara unha intensa xornada con obradoiros, contacontos, música e descontos nas librarías tomiñesas.

Os soportais da Praza do Seixo acollerán de 10.00 a 14.00 horas seis talleres variados para todos os públicos cos que se irán conseguindo letras para rematar coa palabra ‘GALEGO’ selada na súa pel e conseguir de balde unha camiseta co deseño gañador desta edición do concurso do Día das Letras Galegas, que leva a frase ‘Fai un match coa túa lingua’ encadradas nun corazón.

A primeira actividade será ‘Creactividade’, que porá a disposición das e dos participantes unha lona na que deberá escribir unha frase ou debuxar algo relacionado con calquera das obras de Luísa Villalta, autora homenaxeada este ano no Día das Letras Galegas. En ‘Aprender galego con xogos ancestrais do noso país’ o público aprenderá a lanzar buxainas, con ‘Reacción en cadea’ terán que adiviñar o concepto de unión entre dúas palabras aparentemente aleatorias e en ‘Cantamos/Contamos’ haberá que saber continuar coñecidas cancións de antes e de agora, mentres que en ‘Adiviña quen’ cada persoa participante deberá descubrir que persoa coñecida galega se lle asignou. A xincana rematará co obradoiro ‘Galepalabra’, no que o público escoitará definicións en galego da a-z e debe intentar adiviñar a palabra.

Sobre as 12.00 horas será a quenda da música para conmemorar o Día das Letras Galegas co concerto da Agrupación Musical de Goián tamén na Praza do Seixo. Ademais, para fomentar a lectura en galego e en colaboración co comercio local, Concello e as librarías de Tomiño ofrecerán un 30% de desconto en todos os libros que se merquen en lingua galega ese día.

Tomiño continuará conmemorando o Día das Letras Galegas durante a fin de semana cun contacontos de balde no Mercado Municipal. Será este domingo 19 con ‘Tinta do mar. Pequena biografía de Luísa Villalta’, a través do que Polo Correo do Vento plasma o compromiso da autora coruñesa coa lingua, co ensino, coa ecoloxía, coa igualdade, coa dignidade humana e coa música. A actividade, que conta coa colaboración da Deputación de Pontevedra, será ás 12.00 horas.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas