Coñecer e gozar da contorna natural e fomentar a actividade física e a vida saudable é o dobre obxectivo que guía a Re-conectando Pontevedra, un programa de ioga e natureza consciente que impulsa a Concellería de Benestar Social, que xestiona Anabel Gulías, da man de Myriam Viéitez Yoya e Meditación e de Érika Taracido, terapeuta transpersonal.
En cada un dos roteiros programados traballarase na conexión coa natureza, co grupo e cun mesmo e ademais realizarase unha práctica de ioga. A segunda cita é o vindeiro domingo, 2 de xuño e o escenario elixido as Marismas da Xunqueira da Gándara.
Quedan por diante outros tres roteiros máisde sendeirismo consciente e ioga son as seguintes: • 8 de xuño (sábado)– Pontillón do Castro, Verducido.
• 16 de xuño (domingo) – Parque forestal da Tomba, Campañó.
• 23 de xuño (domingo)– Senda do río Almofrei, Bora.
Os roteiros terán unha duración aproximada de 4 horas – de 10.00 a 14.00 horas- e todos eles son de dificultade baixa e moderada.
