• A popular agradece “a confianza que Rafa Domínguez sempre depositou en min, desde que me elixiu para as carteiras de Servizos Sociais e Turismo”
• O presidente do PP de Pontevedra asegura que “a súa dedicación e compromiso por mellorar a nosa cidade redundará en beneficio do partido”
O Partido Popular de Pontevedra designa o seu comité de campaña, dirixido por Silvia Junco, para “volver sacar un resultado excepcional” nas eleccións ao Parlamento Europeo que se celebrarán a segunda fin de semana de xuño.
A popular, número catro do grupo municipal no Concello de Pontevedra, agradeceu “a confianza que Rafa Domínguez sempre depositou en min desde que se puxo en contacto comigo, antes das eleccións municipais do 2019, para levar as áreas de Servizos Sociais e Turismo do Partido Popular”.
Pola súa banda, o presidente do PP e portavoz municipal asegurou que “a dedicación e compromiso que Silvia Junco sempre demostrou por mellorar esta cidade redundará en beneficio do partido” na próxima cita electoral.
Junco prepara a estratexia electoral do partido máis votado nos comicios municipais e autonómicos coa “responsabilidade de liderar á formación popular cara a unha nova vitoria, que reforce o posicionamento de España en Europa”.
Co obxectivo de alcanzar o mellor resultado, a coordinadora de campaña conformará un grupo de traballo con persoas de diferentes perfís e idades, comprometidos coa axenda electoral durante a campaña, e que se encargarán de organizar os diferentes actos do Partido Popular.
