test
Home Pontevedra Deza Turexpo Galicia 2024: un referente para o sector turístico con máis de...

Turexpo Galicia 2024: un referente para o sector turístico con máis de 30 turoperadores e a estrea de Xordania e Filipinas nas súas mesas de negocio

- Anuncio -
  • AS EMPRESAS E DESTINOS QUE ACUDAN Á SÚA BOLSA DE CONTRATACIÓN PODERÁN AMOSARLLES A SÚA OFERTA DURANTE O PRIMEIRO DÍA E MEDIO DESTE SALÓN, QUE SE DESENVOLVERÁ DO 30 DE MAIO AO 2 DE XUÑO NA FEIRA INTERNACIONAL DE GALICIA ABANCA
  • ADEMAIS PARTICIPARÁN NUN FAM TRIP QUE OS LEVARÁ POR A ESTRADA, FERROL, BETANZOS E SANTIAGO DE COMPOSTELA

O XIII Salón Turístico de Galicia, Turexpo Galicia 2024, o cal se levará a cabo do 30 de maio ao 2 de xuño co apoio da Axencia Turismo de Galicia, contará unha vez máis coa súa recoñecida Bolsa de Contratación. Esta volverá ser unha efectiva plataforma de negocio para a oferta turística participante.

Así, no seu marco están confirmados máis de 30 turoperadores con presenza en once países, como son Alemaña, Arxentina, Australia, Brasil, España, Italia, Israel, Polonia, Portugal e, por primeira vez, Xordania e Filipinas

Na súa maioría trátase de axencias tradicionais ou axencias de “incoming” (axencias de receptivo especializados en destino España e Portugal que traballan para emisores doutros mercados), buscando outras especificamente propostas relacionadas co turismo de benestar, de incentivos, familiar ou relixioso.

Entre as súas demandas para coñecer nestes encontros, moitos dos operadores turísticos destacan hoteis, empresas de servizos, axencias de viaxes, propostas tanto de lecer e cultura como gastronómicas e de enoturismo, ademais de parques naturais, empresas de transporte ou maioristas.

Estes operadores coñecerán a oferta de empresas do sector do turismo, a maioría galegas, e tamén destinos. Todos eles poderán mostrarlles detalladamente as súas propostas aos operadores turísticos co obxectivo de que as incorporen ás ofertas que farán aos seus clientes nos países nos que operan. Será a través de reunións axendadas en función dos intereses de ambas partes durante o 30 de maio todo o día e a mañá do 31 de maio, o cal se corresponde co primeiro día e medio do certame, que ademais terá lugar xunto á Feira Internacional Abanca Semana Verde de Galicia.

Fam Trip en A Estrada, Betanzos e Ferrol

A estas mesas de negocio engadirase unha pequena viaxe de familiarización no que participará a maioría de operadores turísticos asistentes.

Este fam trip comezará a tarde do venres 31 de maio cunha visita ao Pazo de Oca e os seus históricos xardíns en A Estrada e á finca de enoturismo María Manuela, en Boqueixón.

O sábado 1 de xuño coñecerán Ferrol, realizando unha viaxe en barco pola ría, visitando tanto o Castelo de San Felipe como o Arsenal e o muso Exponav e tamén degustando produtos do mar no Parador da cidade. Ademais, trasladaranse a Betanzos para pasear polo seu centro histórico e probar produtos locais.

Xa o domingo 2 de xuño coñecerán o tramo final do camiño de Santiago, visitarán a Catedral e rematarán a viaxe descubrindo o centro histórico de Compostela.

Relacionadas

O BNG denuncia o estado de abandono da rúa San Roque e insta a...

0
Desde hai meses, a rúa San Roque vén sufrindo problemas no tramo que discorre entre a gasolineira e a Praza da Independencia como consecuencia...

Adxudicadas as obras de mellora da mobilidade na rúa Trovador Xoán García de Guillade

0
• Completarase a plataforma única no entorno do parque Ferro Ucha e asfaltarase o tramo ata cemiterio • Tamén se rebaixarán os lombos redutores e...

Luis López certifica coa presentación de investimentos por máis dun millón de euros nas...

0
O presidente provincial, xunto coa vicepresidenta Luisa Sánchez, presenta a alcaldes e concelleiros destas comarcas proxectos valorados en máis dun millón de euros incluídos...

O Rosal continúa cos seus ‘Faladoiros no Xardín’ abordando a detección do abuso sexual...

0
A segunda sesión, a cargo da experta Teresa Calvo, será este xoves 20 de xuño ás 20.30 horas O Rosal continúa xerando espazos seguros nos...

Triple victoria para o UD Mos Feminino que se proclama campión galego en Infantil...

0
As abellas mosenses demostran que son a mellor opción para integrar ‘As Celtas’ O Concello de Mos organizoulles esta tarde ás xogadoras da Unión Deportiva Mos Feminino unha recepción...

O tomiñés Manu Ochoa, nos Xogos Olímpicos de París 2024

0
O Concello felicita ao primeiro deportista olímpico de Tomiño por este gran logro O Concello de Tomiño quere trasladar os seus parabéns ao deportista tomiñés...

Publicacións Relacionadas