Home Xunta de Galicia Turismo promociona en Bilbao a proposta urbana con ‘De Tapas por Galicia’...

Turismo promociona en Bilbao a proposta urbana con ‘De Tapas por Galicia’ para incrementar o fluxo de visitantes todo o ano da man da gastronomía

- Anuncio -

— O ano pasado, o mercado vasco situouse en 269.000 visitantes que fixeron 2,1 millóns de noites, o que supón crecementos dun 7% e un 12% respectivamente

— O Mercado de La Ribera de Bilbao acolle desde mañá a Semana Gastronómica con sete propostas de sete cociñeiros das sete principais cidades de Galicia

Bilbao (Vizcaya), 7 de novembro de 2024.- O director de Turismo de Galicia, Xosé Merelles, presentou esta tarde a semana gastronómica De Tapas por Galicia en Bilbao coa que Turismo de Galicia presenta na capital de Vizcaya as tapas gañadoras este ano nos certames celebrados nas sete cidades galegas. A promoción da oferta turística urbana é un dos obxectivos da Estratexia de Turismo de Galicia 2030 e que se persegue tamén con esta acción con miras postas en incrementar os 269.000 turistas vascos rexistrados en 2023 e tamén garantir un fluxo de visitantes durante todo o ano.

Durante a súa intervención, o director de Turismo de Galicia puxo en valor a gastronomía como un dos principais atractivos para turistas que cada día outorgan máis valor a experiencias de calidade e singulares. Así, destacou a estratexia do Goberno galego de promoción de gastronomía galega co Plan Territorial de Sostibilidade Turística de Enogastronomía de Galicia dotado, con 34,5M€, que dá conta “da nosa férrea aposta pola gastronomía e o noso traballo para posicionar Galicia como un destino de excelencia”.

O director de Turismo de Galicia puxo en valor tamén a gastronomía do País Vasco, á que se referiu como un referente en todo o territorio nacional. En relación a De Tapas por Galicia dixo que é “un dos nosos mellores escaparates para amosar o mellor dos nosos produtos de proximidade, o mellor modo de facer dos nosos cociñeiros e o carácter máis innovador da nosa cociña”.

Tapas e viños das DO
Desde mañá e ata o vindeiro 17 de novembro, sete cociñeiros das sete principais cidades galegas reuniranse no Mercado de La Ribera da capital bilbaína para amosar as súas propostas gastronómicas en forma de tapa, maridadas con viños das cinco Denominacións de Orixe de Galicia. Cada cociñeiro elaborará unha media de 300 tapas nos distintos días desta semana.

Así, este vernes será a quenda de Manu Triay que rexenta a Taberta Triay na Coruña e que presentará a tapa Donete recheo de cocido. O sábado será Álvaro Pérez de Artesana Gastrobar en Santiago de Compostela, o que elabore a tapa Estamos como cabras para logo o domingo, Iñaki Bretal do Restaurante Loaira en Pontevedra, presente a proposta Trasmallos entre neboeiro.

O xoves 14 chegará a tapa Nigiri crokketa de carabineiro, elaborada por Nicolás Pío de Nikko Espacio Gastronómico de Vigo, e o venres, será Gabi Conde do Restaurante Portovello de Ourense o que explique e cociñe a tapa A Terma. O sábado tocaralle a quenda ao gañador da tapa na cidade de Lugo, Bret Fernández de Prebe by Bret que elaborará Xurelo Black Coupage e o último día, o domingo 17 de novembro, será Adrián Pérez do restaurante ferrolán Sinxelo, quen presente e tapa Recordos da miña nenez.

Relacionadas

A Xunta mellora o Centro Ocupacional e de día do concello de Valga cun...

0
As actuacións son o resultado dos convenios de colaboración asinados entra ambas administracións no 2024Ademais das obras realizadas, concedeuse unha achega para a compra...

As súas Maxestades de Oriente repartirán ledicia e agasallos a pacientes e meniños no...

0
Coa organización e patrocinio da Asociación Cultural O Chopo, durante a mañá do vindeiro domingo 5 de xaneiro, os doentes ingresados nos andares do...

Galicia consolida a internacionalización do destino e roza os 7 millóns de viaxeiros nos...

0
O turismo internacional continúa medrando consolidando un peso do 31% e superando por primeira vez os 4 millóns de noitesOs datos do INE feitos...

A Xunta prevé o pago de máis de 15M€ aos colexios de avogados e...

0
― O Diario Oficial de Galicia publica as ordes para o cuarto trimestre de 2024 e os tres primeiros de 2025 para compensar a...

A Xunta remata as obras parta estender a rede de saneamento en varias parroquias de Coirós, cun investimento de máis de 850.000...

0
As actuacións, cofinanciadas pola Unión Europea a través do Fondo Europeo de Desenvolvemento Rexional, consistiron na execución de 16 novos treitos de colector que...

López Campos amosa o compromiso da Xunta co patrimonio  e infraestruturas culturais de Boqueixón

0
O conselleiro de Cultura, Lingua e Xuventude, José López Campos, amosou hoxe o “total compromiso” da Xunta de Galicia co patrimonio cultural do concello...

Publicacións Relacionadas