• Mantivo unha reunión coa xunta local, para analizar os retos que teñen por diante cara as municipais do ano próximo.
• Amosaron a súa preocupación pola aumento do prezo da aumento do prezo dos combustibles, da luz e do gas.
O presidente do PP de Pontevedra, Alfonso Rueda, e o secretario xeral do partido, Luis López, mantiveron esta semana unha reunión de traballo con concelleiros e afiliados do Partido Popular de Catoira, coa vista posta nas eleccións municipais que se celebran o ano próximo. Rueda puxo en valor o traballo de toda a xunta local, “un bo equipo, organizado, que contaxia ilusión”, así como do voceiro local, Iván Caamaño, “sempre pegado ás necesidades e prioridades da cidadanía”.
Un traballo, que segundo o popular, “está sendo recoñecido” tamén polos veciños de Catoira. Por iso, pediu á xunta local, aos concelleiros pero tamén a todas as persoas que traballan con eles, que sigan na rúa, escoitando ás persoas. “Cando se está próximo á cidadanía, escoitando o que necesitan e atendendo as súas inquedanzas e preocupacións, é máis fácil acertar”, engadiu.
Durante a reunión, os asistentes amosaron a súa preocupación pola situación das economías domésticas e a perda de competitividade das empresas, provocada polo aumento do prezo dos combustibles, da luz e do gas. Rueda explicou que Pedro Sánchez debe tomar unha decisión urxente, porque quen ten a capacidade de tomar decisións económicas e estruturais é o Goberno central. Nesta liña, subliñou que o PP, e tamén o Goberno galego, están reclamando que baixen con urxencia os impostos da luz, do gas e dos carburantes que están asfixiando ás familias, ás empresas e aos transportistas. “Non é o momento de atrasar decisións que son fundamentais e urxentes, debe tomalas xa. Os cidadáns non poden esperar ata final de mes”.
