- O Concello centrou a súa campaña deste ano nas mulleres traballadoras
- Con motivo do 8 de marzo, Día Internacional da Muller, o Concello de Pazos de Borbén organizou varias iniciativas dirixidas a concienciar á veciñanza sobre a igualdade de xénero. Os actos de conmemoración comezaron coas visitas a diversas veciñas e establecementos do municipio rexentados por mulleres para entregarlles un pequeno agasallo.
- Ademais da lectura dun manifesto contra a violencia de xénero, no exterior da Casa do Concello, o Concello fixo entrega dunha flor a todas as traballadoras municipais. Ademais, visitou ás dúas mulleres máis lonxevas e ás máis novas do municipio para regalarlles unha flor e un set de produtos infantís respectivamente.
- A edil de Igualdade, Eloisa Nogueira, destacou “o compromiso firme deste equipo de goberno coa igualdade desde o primeiro día. Apoiando toda clase de iniciativas e recoñecendo o papel fundamental que teñen as mulleres no noso municipio”.