A máquina de sinalización viaria foi adquirida pola concellería de Obra Pública e leva xa unha semana traballando a pleno rendemento
A concellería de Obra Pública do Concello de Mos que dirixe o tamén tenente de alcaldesa, Camilo Grandal, vén de adquirir maquinaria para o pintado de sinalización horizontal en camiños e estradas do municipio.
A máquina ya foi recepcionada pola administración local mosense e está estes días a traballar a pleno rendemento realizando servizos de conservación e mantemento da sinalización horizontal do termo municipal de Mos, co fin de aumentar a seguridade e comodidade da circulación, mediante a realización de sinais viais no pavimento asfáltico dos distintos camiños e estradas. Durante a última semana xa se interviu coa nova maquinaria en diversas localizacións, entre elas no Polígono Empresarial PEMOS Veigadaña e as súas inmediacións, o barrio do Piñeiro na contorna da Igrexa de Sanguiñeda e a Avenida de Sanguiñeda.
Para a súa adquisición o Concello de Mos investiu 4.107,95 euros de fondos propios.
O concello de Mos posúe unha superficie de 52,00 Km2 e dispón nestes momentos unha rede viaria asfaltada que supera os 500,00 km. Esta rede de camiños e estradas é empregada a diario polos mosenses no seu desprazamento entre as distintas parroquias e aos concellos lindeiros, por elo deben atoparse en óptimo estado de visibilidade os sinais horizontais, para garantir deste xeito a máxima seguridade viaria.
Para elo era necesaria a adquisición dunha máquina para a sinalización viaria dos camiños e estradas de Mos. Coa mesma estanse a realizar, como xa se dixo, servizos de conservación e mantemento da sinalización horizontal do termo municipal de Mos, co fin de aumentar a seguridade e comodidade da circulación, mediante a realización de sinais viais no pavimento asfáltico dos distintos camiños e estradas.
A maquinaria adquirida trátase dun equipo de sinalización viaria marca Wagner, modelo GEA4200FM.
É unha máquina de sinalización viaria que pulveriza a pintura sen necesidade de aire comprimido (airless) na membrana. O dispositivo é utilizable para marcar prazas de aparcamento, sinais horizontais e delimitación de carrís en camiños e estradas. Está equipada cunha roda dianteira regulable en 5 posicións diferentes, e permite trazar liñas dereitas ou con dúas medidas de radio diferentes.
