O ano rematou cunha nova para Salvaterra de Miño, logo de realizar os trámites pertinentes pola Asociación Unión Musical de Salvaterra, a Escola de Música xa figura no rexistro de Escolas de Música e Danza da Comunidade Autónoma de Galicia.
Actualmente, a escola conta con máis de 200 alumnas e alumnos e case unha vintena de profesores e profesoras que utilizan unhas instalacións novas inauguradas no ano 2022 que permiten atender a demanda de actividades nunhas mellores infraestructuras.
Recordemos que o Concello de Salvaterra de Miño mercara este edificio tan emblemático que rehabilitou facendo unha inversión de máis de 500.000 euros permitindo que en Salvaterra de Miño podamos contar cun espazo adaptado con aulas diferentes para impartir clases, biblioteca, sala de dirección e salón de ensaios.
