Presentará o seu libro “Escola de Mulleres”
Mañá xoves, 21 de marzo, ás 19.30 h, na Sala Félix Rodríguez, haberá un encontro coa escritora Inma López, no que presentará o seu libro “Escola de Mulleres”. Este acto pecha a programación do 8M, Día Internacional da Muller, deste 2024.
Inma López é novelista, ensaísta, crítica teatral e columnista de prensa. Conta cunha ampla obra literaria coma Rosas, corvos e cancións, New York, New York, Memoria de cidades sen luz, Tinta, Maternosofía, Chámame señora, pero trátame coma a un señor, Aqueles días en que eramos malas, O libro da filla e Escola de Mulleres que mañá presentará en Tui.
Foi recoñecida cos premios Xerais, Blanco Amor, San Clemente, Losada Diéguez e Francisco Fernández del Riego.
“Escola de mulleres” é unha novela sobre unha fuxida. A súa protagonista foxe da dor, da perda, e dunha realidade incerta. Unha novela que nos cuestiona sobre os límites.
Precisamente “Escola de mulleres” é o primeiro libro co que reiniciou a súa actividade o Club de Lectura “Tempo de Mulleres” impulsado pola concellería de Igualdade e que dinamiza Cristina Fernández.
