Solicitan a comparecencia do Secretario de Estado de Transportes, Movilidad e Axenda Urbana para explicar as actuacións e os prazos que ten previsto o Goberno para dar solución ao peche do túnel.
O Partido Popular de Pontevedra reclama ao Goberno central unha solución rápida e eficaz para restablecer a circulación no túnel de Ou Folgoso da A-52 e o arranxo da N-120 ao seu paso pola Cañiza. Entende que o Ministerio de Transportes, Mobilidad e Axenda Urbana debe achegar unha solución con urxencia ás medidas necesarias porque esta situación está a xerar un impacto económico e social negativo no sur da provincia, afectando seriamente a sectores estratéxicos e mesmo á atención sanitaria, xa que o peche está a imposibilitar unha resposta adecuada #ante posibles urxencias, ademais de supoñer un serio problema de seguridade viaria dada a situación na que se atopa a estrada nacional N-120.
Os deputados nacionais pola provincia, Diego Gago, Javier Bas e Juan Constenla, a través dunha iniciativa conxunta cos representantes de Ourense no Congreso e co apoio da deputada galega Ana Pastor, formularon preguntas parlamentarias e solicitaron hoxe a comparecencia do Secretario de Estado de Transportes, Movilidad e Axenda Urbana, Pedro Saura, para que informe sobre os procedementos que se van a poñer en marcha e os prazos concretos que manexa para resolver con moita brevidade a complicada situación xerada polo peche do túnel.
Os populares lembran que en declaracións feitas recentemente por responsables do Ministerio de Transportes, afirmaban non poder concretar un prazo de finalización dos arranxos do interior do túnel aínda que se esbozaron que ningún caso sería antes do próximo mes de maio. Un tempo que para os deputados do Partido Popular de Pontevedra parécelles inadmisible.
Inciden en que a A-52 é unha vía troncal de comunicación que conecta a cidade de Vigo, Mos, Porriño, Ponteareas, As Neves e A Cañiza entre outros concellos pontevedreses coa cidade de Ourense e a capital de España, e que, #ante o atraso na chegada do AVE, supón o principal eixo vertebrador que comunica transportes fundamental por tanto da provincia de Pontevedra coa capital.
A raíz do desafortunado incendio que se produciu no interior do túnel, as comunicacións da provincia coa meseta convertéronse en verdadeiro calvario para os seus usuarios, ao ter que transcorrer obrigatoriamente durante case 25 quilómetros pola N-120, unha estrada nacional de montaña que supón un perigo para o tráfico pesado, sanitario, educativo e circulatorio.
O novo tramo sustitutivo conta con importantes desniveis nun trazado que non se atopa en boas condicións, cun firme irregular, bacheado e que posúe un só carril, obrigando ao tránsito de todo tipo de tráfico polo propio centro urbano do concello da Cañiza. Isto está a supoñer atrasos de máis de media hora.
Por este motivo, lembran que a pedimento do portavoz local do PP, Miguel Domínguez, xa incluíron unha emenda nos orzamentos xerais do Estado para solicitar ao Goberno central a reparación do firme e a mellora da seguridade viaria para os miles de usuarios diarios que circulan pola N-120.
