Participará o alumnado de sete centros educativos e centrarase nos Dereitos da Infancia
Tui celebra mañá mércores, 18 de novembro, ás 10.30 h un pleno infantil para conmemorar o Día Mundial da Infancia que ten lugar este venres 20 de novembro.
O Espazo Sociocultural da r/Camilo José Cela acollerá esta sesión plenaria especial que este ano se centrará nos “Dereitos da Infancia”. Contará coa participación dos CEIPs de Caldelas, Pazos de Reis, Nº1, Nº2, e Randufe, do CPR Maristas San María e do IES Indalecio Pérez Tizón.
O alcalde, Enrique Cabaleiro, dará á benvida ao alumnado e profesorado participante, e logo terá lugar a intervención de cada centro educativo. Tras a quenda de rogos e preguntas a concelleira de Cultura, Ensino e Mocidade, Sonsoles Vicente, agradecerá aos participantes as súas aportacións sobre os dereitos da infancia e convidará a sumarse ao grupo de participación infantil e xuvenil de Tui, ParTuicipando. O alcalde de Tui será o encargado de pechar este pleno infantil que será aberto ao público.
Precisamente o grupo ParTuicipando, e concelleira de Cultura, Ensino e Mocidade, Sonsoles Vicente, acudirá este venres ao XIV Foro de Participación Infantil e Adolescente no Parlamento de Galicia 2026 Parlamento de Galicia organizado por UNICEF co obxectivo de celebrar o Día Mundial da Infancia.
Sonsoles Vicente, concelleira de Cultura, Ensino e Mocidade, destaca a importancia de escoitar as voces dos nenos e nenas motivo polo que anualmente se celebra este pleno infantil. “Eles i elas son o futuro pero tamén o presente e temos que escoitar as súas inquedanzas, as súas propostas e o seu parecer”, sinala. Tui segue a traballar e a dar pasos para lograr ser recoñecida coma Cidade Amiga da Infancia, engade a concelleira.

