- “O préstamo de 1,1 millóns de euros, é a devolver en 8 anos, ata 2029”.
- Villar afirma que “BNG-PSOE seguen endebedando o Concello mentres malgastan o diñeiro que recadan en impostos aos veciños e subvencións, máis de 55 millóns de euros no últimos tres anos.
O Grupo Municipal do PP advirte que o bipartito acaba de solicitar un novo préstamo de 1,1 millóns que unido aos anteriores suman un total de 14,12 millóns de euros.
“Este novo préstamo é a devolver en oito anos, finalizaría no 2029. É un escándalo como están a endebedar a este Concello. Van deixar na bancarrota”.
Os populares consideran que non se debe endebedar así ao consistorio porque hipotecan os investimentos e corporacións futuras. “Con este novo préstamo, pendente de conceder pola Xunta de Galicia e o asinado para a ampliación da depuradora, o bipartito BNG-PSOE xa endebedou o Concello para os próximos 25 anos, é dicir, ata o ano 2049 os veciños terán que estar a pagar a mala xestión deste goberno, que continúa pedindo préstamos mentres malgastou e malgastou os 55 millóns de euros que recadou por impostos aos veciños durante os tres últimos anos e que recibiu de subvencións procedentes doutras administracións.