Rafa Domínguez visita a exposición que conmemora os 20 anos desde a rehabilitación do edificio do Colexio de Arquitectura Técnica de Pontevedra

O vicepresidente da Deputación de Pontevedra, Rafa Domínguez, participou este xoves na inauguración da mostra “A profesión da arquitectura técnica”, exposta na sede do Colexio de Arquitectura Técnica de Pontevedra coincidindo coa conmemoración dos 20 anos desde a rehabilitación do edificio onde a entidade está emprazada (no número 23 da Enfesta de San Telmo). A exposición está aberta ao público e ten como finalidade mellorar o coñecemento sobre esta profesión, ofrecendo un percorrido pola historia, a evolución e unha proxección de futuro deste campo.