As piscinas municipais de Salvaterra de Miño abriron as súas portas ó público o pasado 21 de xuño e dende entón contaron coa visita de máis de mil persoas.
Coa chegada do verán e o bo tempo é momento de ofrecer ós nosos veciños e veciñas opcións de ocio para pequenos e maiores. Polo que este ano nuevamente apostouse pola ampliación do período de apertura, así as instalacións abrirán un mes máis e continuarán en funcionamento ata o vindeiro 15 de setembro para que todo o que queira poida desfrutar nas tardes do verán.
O horario das piscinas municipais é de martes a venres de 15:00 a 21:00h e o fin de semana, sábados e domingos, dende as 14:30 ata as 21:00h. Os luns permanecerán pechadas para o mantemento das mesmas.
Ademais o pasado día 2 de xullo deron comezo as clases de natación en horario de mañá que se prolongarán ata finais de xullo e no mes de agosto comezará outro grupo novo.
No entorno das piscinas contamos cun servizo de aluguer de bicicletas que está dispoñible de venres a domingo e festivos en horario de 09:00 a 13:00 e de 19:00 a 22:00 horas na entrada do Parque da Canuda para a época estival.
