Este venres ás 19.30, na Oficina de Turismo, teremos a segunda actividade vencellada ao Ano Castelao. Trátase dun coloquio arredor da militancia de Castelao nas Irmandades da Fala e no Partido Galeguista. O fío condutor será a súa relación con Antón Villar Ponte, a quen Castelao tiña como a orixe mesma do galeguismo. Por esa razón o convidado é Emilio X. Ínsua, autor dunha monumental tese de doutoramento sobre Antón Villar e de varios libros sobre as Irmandades da Fala e o período do nacionalismo galego de preguerra.
O coloquio, ao igual que sucedeu coa conferencia de Ramón Villares, será unha conversa entre o moderador, Xurxo Martínez, técnico de Normalización no Concello de Redondela, e o convidado. Este formato facilite o dinamismo da charla, onde se animará tamén á participación do público.
A entrada é de balde até completar capacidade.
