Máis de corenta docentes e mil alumnas e alumnos participaron onte no Campionato Escolar Zonal de Campo a Través 2024 organizado pola Asociación Deportiva Escolar do Condado e da Paradanta (ADECONPAR).
Mestras e mestres das dúas comarcas volcáronse na organización desta xornada deportiva en categorías benxamín, alevín e infantil na que participou o alumnado de
3º, 4º, 5º e 6º de educación primaria.
O parque da Avisoureira en Guláns foi o escenario no que competiu o alumnado dos centros educativos ponteareáns Fermín Bouza Brey, Mestre Ramiro Sabell Mosquera, CPR La Inmaculada, Santiago de Oliveira, Feliciano Barrera, CPR Santiago Apostol, As Veigas, Infante Felipe, Leirado e Carlos Casares de Salveterra de Miño, CPI Mondariz, CEIP Marquesa do Pazo da Mercé de As Neves e o CEIP Antonio Blanco Rodríguez do Concello de Covelo.
Os concelleiros de Deportes, Luis Rodríguez, o de Ensino, Ricardo González, e o de Recursos Humanos, Jesús Cao, achegáronse ata Guláns para desfrutar deste espectáculo deportivo iniciativa da Secretaría Xeral para o Deporte, coa colaboración das Federacións Deportivas e Agrupacións Deportivas Escolares, convoca o Programa XOGADE
Co apoio do Servizo de Deportes da Xunta de Galicia dentro do programa XOGADE e coa colaboración da Fundación Guláns e do Concello de Ponteareas as mestras e mestres de educación física celebraron un ano máis este encontro que promove o deporte ao aire libre e unha mañá de convivencia entre o alumnado da comarca.
O programa Xogade, nado na tempada 2009/10 –hai 15 anos– con dúas actividades, segue evolucionando ano a ano co obxectivo de promover e fomentar a práctica de actividade física na poboación escolar galega ao amparo do Plan Galicia Saudable da Xunta de Galicia.
