Ante o problema ocasionado polas obras da escola infantil de Meis, que supón un peche temporal das instalacións un mínimo de 6 meses, o BNG de Meis púxose en contacto coas familias afectadas para trasladar ao concello as preocupacións das familias ante o futuro inmediato.
Neste contactos quedou moi claro a necesidade das obras por ser o que se levaba demandando fai tempo por parte das usuarias das instalacións. Agora ben, dende novembro xa se sabía que a deputación concedera esta axuda e estamos, neste mes de marzo, xa metidos en prazo de matrícula, razón pola cal as familias teñen unha lóxica preocupación.
Por estas razóns dende o BNG de Meis pedimos que na reunión convocada para o venres 15, queden aclarados, entre outros, os seguintes puntos solicitados polas familias afectadas:
1/ Que pasará con aquelas familias que queden sen praza en escolas próximas?
2/ E con aquelas que non dispoñan de transporte propio, en caso de conseguila noutro concello?
2/ Garantiza a alcaldía, ás familias que non podan levar as súas fillas a outro centro, unha alternativa para desenvolver temporalmente a prestación deste servizo esencial?
4/ Haberá, por parte das administracións, algún tipo de axuda parA paliar os gastos ocasionados?
O BNG de Meis trasladou á equipa de goberno estas preocupacións á espera dunha solución na reunión ante un tema tan preocupante, tendo en conta que as familias non poden ser as prexudicadas, nunha cuestión tan fundamental.
