• Importe do contrato: 26.759,15 € (IVE incluído do 21% que ascende a 4.644,15 €)
• As obras serán financiadas ao 50% do importe pola Secretaría Xeral de Coordinación Territorial do Ministerio de Política Territorial (13.379,58 €) e polo Concello de Arbo, con cargo a fondos propios (13.379,58 €)
• A intervención que se pretende realizar é a reparación do muro do Campo de Fútbol Municipal de Arbo e as obras serán realizadas por unha empresa local.
Por mor do temporal de chuvia e das fortes rachas de vento rexistradas en Arbo, no lateral dereito fronte a grada do campo municipal de Arbo sufriu graves danos, polo que é necesario realizar unha adecuada reparación de forma urxente, por mor da súa caída e danos que poida causar.
Na actualidade, o muro encóntrase nun estado de perigo xa que a chuvia provocou a súa apertura. A zona afectada esta rodeada por vallas para evitar calquera tipo de accidente, pero a necesidade de reparación ven sendo de caracter urxente.
Á vista do expediente que se tramitou para a obtención dunha subvención ante a Secretaria General de Coordinación territorial, para a actuación denominada “OBRAS DE REPARACIÓN DE MURO EN CAMPO DE FUTBOL MUNICIPAL DE ARBO”, o citado organismo outorgou unha achega ao concello de Arbo por importe de 13.379,58 € sendo o importe total da actuación de 26.759,15 € (IVE incluído do 21% que ascende a 4.644,15 €), polo que o concello terá que facer fronte con cargo a fondos propios dos 13.379,58 €
Obxecto do contrato:
A intervención que se pretende realizar é a reparación do muro do Campo de Fútbol Municipal de Arbo, coas seguintes actuacións.
- Desmontado da parte do muro afectada con retirada de escombros
- Execución de zapata corrida de formigón armado
- Colocación de postes de aceiro galvanizado incluído tensores e rede
- Colocación de muro de bloque
- Colocación de porta
O importe do contrato ascende á cantidade de 26.759,15 € (IVE incluído do 21% que ascende a 4.644,15 €) e se establece un prazo de execución para as obras proxectadas de tres (3) meses.
A mellora das instalacións deportivas e o apoio aos clubs deportivos é a clara predisposición do Concello de Arbo.
É necesario, tendo en conta que a tempada futbolística comeza no mes de outubro, e que o Arbo C.F conta con categorías inferiores, a inmediata realización destas obras para evitar posibles danos a terceiros, así como aos nenos e nenas participantes na actividade, adestradores e público asistente.