• Fernando Pérez felicitase porque a Xunta de Galicia se-gue cumprindo compromisos con Caldas de Reis, neste caso cunha antiga e unánime petición veciñal.
• Os diferentes gobernos do PP da Xunta foron quen de por en marcha a parcelaria en 3 das 8 parroquias rurais do noso concello (Saiar 1996, Godos 2001, Bemil 2022), mentres que os gobernos do PSOE e BNG non aprobaron nunca ningunha.
• Con este inicio cúmprese outro punto do programa electo-ral dos Populares de Caldas de Reis, único partido que levaba no seu programa electoral este parcelaria.
O Partido Popular de Caldas de Reis faise eco do anuncio que fixo hoxe o presidente da Xunta de Galicia, Alfonso Rueda, tras a reunión do consello, no que dixo que se pon en marcha a parcelaria da parroquia de Bemil, dando así resposta a unha importante e longa demanda veciñal. O voceiro dos populares, Fernando Pérez, amosa a súa “satisfacción”, xa que é a resposta ao traballo duro e intenso que se fixo desde o grupo municipal para que sexa unha realidade.
Pérez lamenta que o alcalde, “intentase apropiarse dun feito do que o único que fixo foi poñer pedras no camiño e lembrarse de Bemil cada vez que se acerca-ba un proceso electoral”. De feito, di que a última nota de prensa do Goberno local vén a demostrar “o descoñecemento” que ten deste proceso, “xa que in-clúe numerosos erros”, entre eles, que esta demanda non se iniciou no 2017, senón que a primeira petición foi en 2001 e 2002; que na memoria que redacta-ron indicaban que eran 50 hectáreas as afectadas cando na memoria dos veci-ños se indica que son 1.252 ha. e na memoria da Xunta se indica que son 1.307,6 ha.; e por último que se lle requiriu ao Concello en febreiro de 2021 un informe urxente sobre a importancia que lle daba a esta parcelaria e nin se dig-nou a contestar ata que llo requiriu o PP, presentando contestación o 9/7/2021 cun informe cheo de erros e o que non eran erros estaba copiado do informe que fixeron os veciños o 24/11/2017.
Ademais, recorda que cando no Pleno do 30/01/2020 se debateu unha moción sobre este asunto, que se aprobou por unanimidade, dixo literalmente: “…Pensa o Alcalde que a Xunta non a ía a priorizar” e o BNG decía: “…o PP da alternati-vas para votar atrás esta parcelaria…”, esta é a realidade, os Populares de Cal-das de Reis o carón dos veciños xestionando para que esta parcelaria fose unha realidade, e o Alcalde e o BNG poñendo pedras no camiño e facendo polí-tica barata, cada quen xa queda retratado.
DATOS DA IMPORTANCIA DE ESTA PARCELARIA:
Segundo o informe do Alcalde serían 50 hectáreas en tres lugares Paradela, Bemil e Follente.
Segundo o informe dos veciños serían 1.252 hectáreas (392 de monte veciñal, 295 de labradío, 509 monte particular e 56 de outra índole) afectando a 12.389 propiedades de 780 propietarios, nun total de 804 ha. de particulares.
Segundo o informe de Medio Rural serían 6 lugares (Paradela, Outeiro, Follente, Veigas de Almorzar, A Canle e a Lavandeira) con 925 habitantes por un total de 1.307,6 hectáreas (23,43% agrogandeira, 67,68% forestal e 8,89% resto).
