- A iniciativa é totalmente gratuíta
- Máis de 30 mozos de Pazos de Borbén participan estes días no segundo Campamento de Verán organizado polo Concello. Unha iniciativa dirixida a familias, con nenos e nenas de 3 a 14 anos, que pretende facilitar a súa conciliación laboral durante as vacacións escolares dos pequenos.
Así, durante todo o mes de xullo, os pequenos gozarán de actividades lúdicas de todo tipo como xornadas deportivas, actividades acuáticas e saídas educativas coas que se pretende que os pequenos coñezan e valoren os grandes atractivos naturais do municipio. Todas as actividades estás dirixidas e supervisadas por persoal pedagóxico titulado. - Do mesmo xeito, o campamento presta especial atención a traballar conceptos de igualdade entre os pequenos destinados a fomentar unha educación libre de prexuízos machistas. “Con esta clase de iniciativas e rutinas fomentamos que os máis pequenos crezan nunha sociedade máis inclusiva e igualitaria. “, explicou a edil de Servizos Sociais, Eloisa Nogueira.
- O obxectivo desta iniciativa, sinala a edil, é “promover a igualdade, os hábitos de vida saudables, o deporte e a posta en valor da nosa contorna entre os máis pequenos á vez que damos ás familias unha oportunidade de conciliar a súa vida laboral e familiar durante o verán”.