• A presidenta da Deputación, asegura que as obras están “niqueladas” mentres os veciños non poden nin acceder ás súas vivendas e os escolares teñen que camiñar un quiló-metro por unha estrada sen iluminación nin beiravías para poder coller o autobús
•
Os deputados provinciais do Partido Popular, Javier Tourís, Paz Lago, Alejandro Lorenzo e Elena Estévez, respaldaron a protesta dos veci-ños de Barro afectados polas obras da Praza de San Amaro. A veciñanza esixe unha reacción inmediata da Deputación de Pontevedra, responsable das obras, ante os importantes perxuízos que están provocando.
“Para Carmela Silva estas obras están `niqueladas´, así o afirmou no pleno can-do lle preguntaron por que non atendía as reclamacións dos veciños, pero a realidade é que o único que ten niquelado é Vigo”, denuncia o deputado Javier Tourís, “A presidenta debería dignarse a cruzar Rande nalgún momento e preo-cuparse por como están as cousas nos concellos pequenos da provincia, esa é a súa función, atender e apoiar aos concellos pequenos e medianos”.
Neste sentido Tourís salientou o abandono da Deputación ao rural da provincia. “Parece que só existen Vigo e Pontevedra, con máis de 50 M de euros en con-venios, mentres ao resto chegan as migallas e o abandono”, lamentou, “Estes veciños non poden nin acceder ás súas casas, hai terra acumulada, as obras non están sinalizadas, hai restriccións de tráfico e un grave risco para os escola-res que teñen que coller o autobús a un quilómetro da parada, con escasa ilumi-nación e por unha estrada na que non hai beiravías. O mínimo que pode facer Carmela Silva é dar a cara e escoitar as súas queixas, non mofarse delas no pleno”.
