• Mireya Otero púxose en contacto estes días cos centros educativos, para acordar con eles cando se impartiran as charlas de concienciación os alumnos
O concello de Vila de Cruces comezará en breve a impartir cursos de concienciación na Igualdade de Xénero, para elo a concelleira Mireya Otero, xa se puxo en contacto cos centros educativos da Vila onde se ten previsto dar algunhas de esas charlas.
Estas charlas estarán dirixidas por exemplo, o alumnado de 3º e 4º de Secundaria do IES Marco do Camballón co título “NAVEGA EN POSITIVO” programa para o emprego responsable das redes sociais desde unha perspectiva de xénero, será un obradoiro de dúas sesións que terá 1 hora de duración cada un dos grupos participantes. E o o alumnado de 1º e 2º da ESO do IES Marco do Camballón co título “AS CARAS DO MALTRATO” un obradoiro sobre a violencia de xénero, nunha única sesión de 2 horas con cada un dos cursos e grupos participantes.
Tamén se impartirán os alumnos de 3º a 6º de Educación Primaria nos dous centros educativos do Concello o CEIP Plurilingüe Nosa Señora da Piedade e CEIP Cerdeiriñas, co título “NA CASA, TOD@S IGUAIS” xincana da corresponsabilidade, un obradoiro onde se traballará o concepto de corresponsabilidade e estarán estruturados en dúas sesións de 1 hora de duración para cada curso.
Impartirase dentro deste Plan un ciclo de charlas sobre a Igualdade e violencia de xénero dirixidas ao tecido asociativo, nas cales entrarían as asociación de empresarios/as, asociacións deportivas, ANPAS e familias en xeral co título “PONTE NA SÚA PEL” con unha duración de 2 horas cada unha segundo o colectivo ao que van dirixidas.
Co título “COIDATE MULLER” ofrecese un ciclo de charlas sobre a saúde feminina, unhas charlas dirixidas especificamente a mulleres, dividido en 4 charlas de 2 horas de duración cada unha, coas seguintes temáticas;
“Como detectar e/ ou previr demencias”
“Sexualidade e muller”
“Alimentación saudable para mulleres”
“O poder das emocións positivas”
