As entradas serán gratuítas para toda a afección
A directiva do San Martín C.F. fai un chamamento a todos os veciños e veciñas do pobo e á base do club a asistir ao municipal de Vilaxoán este domingo onde o equipo xógase o ascenso a Primeira Galicia.
O encontro será ás 19:30 h. co Cerponzóns, último partido da fase, onde ambos equipos disputaranse o segundo posto para subir de categoría.
Para a directiva de Vilaxoán, conscientes de que vai ser un partido duro, “fronte a un rival forte que se xoga o mesmo ca nós”, mostra a máxima confianza na equipa de Lino González.
A presidenta do Club, Laura Navia, quere que ese día sexa un día de celebración, “desde a directiva pedímoslle a afección do San Martín encher as gradas e dar o máximo para animar ao equipo da casa”.
“Neste partido temos que saír a gañar para ter a gran oportunidade de ascender logo de varios anos na mesma categoría”, sinala a presidenta.
“Os nosos xogadores precisan do arroupe da nosa afección, precisan contar co pobo de Vilaxoán este domingo neste partido tan decisivo”, por iso, desde a directiva acordamos facer “xornada de portas abertas”, conclúe Laura Navia.
