Celebrouse no Campo de Fútbol das Baloutas do 8 a 12 de xullo para 40 nenas de entre 6 e 16 anos
A alcaldesa de Mos, Nidia Arévalo, xunto coa adestradora do primeiro equipo de As Celtas, Vicky Vázquez, o director da Fundación RC Celta, Germán Arteta, e o presidente da Unión Deportiva Mos, Pablo Alonso Serodio, clausurou este mediodía o I Campus de Verán As Celtas que se viña impartindo desde o pasado 8 de xullo no Campo de Fútbol das Baloutas.
Tamén estiveron presentes o coordinador deportivo do club, Cristian Taibo, os tres monitores do Celta que impartiron a formación, as xogadoras participantes e as súas familias.
Durante o acto de entrega de diplomas ás 40 participantes, Arévalo, rexedora local mosense, destacou que “é un orgullo para Mos albergar un dos 3 únicos campus de As Celtas de Galicia, xunto cos de A Madroa e Teo”.
Este I Campus de Verán As Celtas – Fundación Celta 2024 by Cabreiroá Iago Aspas contou entre as súa 40 participantes con moitas xogadoras do equipo da UD MOS FEMININO pero tamén asistiron nenas doutros equipos e doutros concellos da contorna.
A iniciativa ía dirixida a nenas de entre 6 e 16 anos e levouse a cabo dende o día 8 ata hoxe 12 de xullo de 2024.
