• Pepa Pardo engade que, durante o primeiro trimestre de 2026, incrementáronse un 122% os roubos con forza en domicilios e un 92% en establecementos comerciais
• As cifras oficiais dan a razón aos populares despois de ser tachados de “alarmistas” e “esaxerados” polo alcalde nacionalista
A concelleira do Partido Popular de Pontevedra Pepa Pardo reclamou ao Gobierno local do BNG e ao Gobierno central do PSOE que adopten medidas urxentes ante unha tendencia á alza da delincuencia rexistrada na cidade.
Segundo os datos de Subdelegación do Goberno, a criminalidade en Pontevedra aumentou un 4,6% e segue á alza, en contraste coa evolución xeral da provincia e doutras comisarías próximas como a de Marín, onde os delitos descenderon un 8,9%.
Especialmente grave é o caso dos roubos con forza que, nos tres primeiros meses do ano, incrementáronse un 122% nos domicilios e un 92% nos establecementos comerciais.
Pardo manifestou que as estatísticas “dan a razón” ás advertencias realizadas polo PP de Pontevedra durante os últimos anos, ao mesmo tempo que lamentou que o alcalde da cidade, Miguel Anxo Fernández Lores, tachase de “alarmistas” e “esaxeradas” as denuncias do principal partido da oposición sobre a deterioración da seguridade cidadá.
Ante esta situación, a edil popular cuestionou “se o alcalde vai seguir mirando cara a outro lado ou vai actuar dunha vez por todas”. Ademais, reclamou ao subdelegado do Gobierno, Abel Losada, que aclare publicamente se vai reclamar ao Gobierno central que dote á cidade dunha Unidade de Prevención e Reacción (UPR), que supoñería 30 axentes máis para Pontevedra.
Pardo tamén denunciou que “o alcalde maltrata á Policía Local”, mentres a Comisaría, da mesma forma que sucede coa Policía Nacional, carece dos medios e recursos suficientes para poder actuar ante o incremento da delincuencia.
“Pontevedra necesita máis privado e medios dignos para que os seus policías poidan desenvolver o seu traballo”, defendeu a concelleira popular, que reivindica que a cidade volva ser “un lugar polo que nenos, novos, adultos e maiores poidan pasear con plena tranquilidade”.
O PP de Pontevedra esixiu respostas concretas e medidas de reforzo da seguridade ante unha tendencia que, segundo os últimos datos feitos públicos tras a Xunta Provincial de Seguridade, pon de manifesto que a capital da provincia é hoxe unha cidade menos segura que hai anos.
