O rumor que circulaba nas últimas horas polo Porriño xa é unha realidade confirmada polo alcalde: D Valentino será o cabeza de cartel do Louro Valley Festival que regresa o vindeiro 25 de setembro cunha nova edición que reafirma o constante crecemento e éxito deste evento, convertido xa nunha cita fixa e imprescindible dentro do programa das Festas do Cristo.
O gran protagonista da noite será D. Valentino, un dos artistas máis destacados e con maior proxección da escena urbana nacional. Con máis de 1,1 millóns de oíntes mensuais en Spotify e éxitos tan populares como «Why» ou «Prettygyal», o cantante promete facer vibrar ao público porriñés no que será un dos concertos máis agardados das festas.
Nesta nova edición, D. Valentino non estará só sobre o escenario. O festival mantén a súa clara aposta polo talento dos DJs locais e contará coas actuacións de nomes da casa.
Con entrada totalmente gratuíta, dentro dos concertos Xacobeo, o Louro Valley Festival consolídase ano tras ano como un dos principais puntos de encontro para a mocidade e os amantes da música urbana en toda a comarca.
“A progamación do Cristo é para todas as idades, pero indudablemente con D.Valentino e co Louro, pensamos no público máis mozo”, explica o alcalde Alejandro Lorenzo, aclarado que nas últimas semanas moita mocidade lle preguntou xa por este concerto pese a que non estaba presentado.
Concerto inclusivo
O concerto de D Valentino, ao igual que o pregón das festas ou outros grandes concertos programados, contará con intérprete de linguaxe de signos nunhas festas inclusivas, nas que non se quere deixar fora a ninguén
