• A visita celebrouse en ton cordial, onde o alcalde propuxo varias cuestións que están pendentes desde a Xunta de Galicia.
No día de hoxe o alcalde Luís Taboada acompañado do tenente de alcalde Julio López, recibiron no consistorio ao máximo representante da Xunta de Galicia en Pontevedra o delegado Luís López, que viña acompañado pola Directora Xeral de Calidade Medio Ambiental dá Xunta de Galicia.
A reunión transcorreu nun ambiente cordial, no que en todo momento marcáronse puntos de acordo, unha reunión que comezou coa explicación da partida económica que a Xunta de Galicia ten prevista para o concello de Vila de Cruces a través dos Fondos FERDER deste ano, unha cantidade de 6.000 euros que teñen que ser adxudicados antes do 31 de decembro de 2021 e que están subvencionados co 100 %, a subvención ten que estar vinculada ao cambio climático e á mellora do medio ambiente.
Na reunión Taboada aproveitou para recalcar ao delegado da Xunta o señor Luís López, os traballos pendentes que teñen nos accesos nas estradas de PonteLedesma ata Piloño, a Senda na recta de Piloño, a Senda de Carbia e a Senda de Sabrexo, fixo fincapé na Ponte de Insua, que aínda esta sen realizar e é fundamental para a comunicación entre as parroquias, e que son titularidade da Xunta de Galicia, con esta petición o alcalde lémbralle ao delegado que hai máis de dous anos que solicita o mesmo e non ve avances.
Doutra banda Julio López solicitoulle que faga de intermediario entre o concello e o Xefe Provincial de Educación Cesar Pérez, para concertar unha cita urxente, xa que levan máis de 6 meses enviando correos e non están a recibir resposta, e segundo Julio López, van empezar os colexios e non puideron trasladar as súas necesidades, que son moitas, tamén se volveu a falar das situación das filtracións de auga que ten o Centro de Saúde, que a día de hoxe non se deu solución nin se reparou.
Taboada ao finalizar a reunión, agradeceu a visita e a información que Dona Sagrario deulle con respecto á subvención FEDER, aínda que a cantidade estímase por parte do alcalde de simbólica e moi baixa ao ser soamente 6.000 euros, espera que en breve increméntense estas cantidades que axuden a mellorar o Medio Ambiente.
